{ முகநூல் கருத்துக்கள்}{ட்விட்டர் கருத்துக்கள்}

பாகம் 1 | பாகம் 2 | பாகம் 3 | பாகம் 4 | பாகம் 5 | பாகம் 6 | பாகம் 7 | பாகம் 8 | பாகம் 9 | பாகம் 10

------------------------------------------------------------------------

இந்தியா முழுவதும் மூன்று அரசு நிறுவனங்கள் - சமையல் எரிவாயு விநியோகம் தொழிலில் உள்ளன. அவர்கள் மூலமாக வாடிக்கையாளர்கள் பெறும் சமையல் எரிவாயு சிலிண்டர்களுக்கு மட்டுமே அரசு மானியம் வழங்குகிறது. அந்த மூன்று நிறுவனங்கள் -

(1) INDIAN OIL CORPORATION LIMITED
(2) HINDUSTHAN PETROLEUM CORPORATION LIMITED
(3) BHARATH PETROLEUM CORPORATION LIMITED

இந்த மூன்று நிறுவனங்களில் இரண்டு நிறுவனங்களுக்கு மட்டுமே காயல்பட்டினத்தில் பெருவாரியான வாடிக்கையாளர்கள் உள்ளனர்.

*** நகரில் BHARATH PETROLEUM CORPORATION LIMITED நிறுவனத்தின் விநியோகஸ்தர் - வேலவன் காஸ் ஏஜன்சி ஆகும். (விநியோகஸ்தரின் மொத்த இணைப்புகள்: 1512)

*** நகரில் INDIAN OIL CORPORATION LIMITED நிறுவனத்தின் விநியோகஸ்தர் - காஹிரா (விநியோகஸ்தரின் மொத்த இணைப்புகள்: 4681)

சமையல் எரிவாயுக்கான (LPG) மானியம் பொது மக்களுக்கு நேரடியாக அவர்களின் வங்கி கணக்குக்கு வழங்கப்படும் (Direct Benefits Transfer For LPG (DBTL) Consumers Scheme) திட்டத்தில் இணைய - முன்னரே கண்டது போல் - இரு வழிகள் உள்ளன.

(1) ஆதார் எண் / அட்டை பெற்ற வாடிக்கையாளர்களுக்கான வழி (Aadhaar based cash transfer).

(2) ஆதார் எண் / அட்டை பெறாத வாடிக்கையாளர்களுக்கான வழி (Non-Aadhaar based Process).

இரு வழிகளுக்கும் - தலா இரு படிவங்கள் உள்ளன.

ஆதார் எண் வழிக்கான படிவங்கள் படிவம் 1 மற்றும் படிவம் 2 ஆகும்.

ஆதார் எண் இல்லாதவர்களுக்கான வழிக்கான படிவங்கள் படிவம் 3 மற்றும் படிவம் 4 ஆகும். [ஆதார் எண் இல்லாதவர்கள் இரண்டு படிவங்களில் ஒரு படிவம் தான் சமர்ப்பிக்க வேண்டும். முழு விபரம் தொடரும் பாகங்களில் வழங்கப்படும்].

படிவத்தை நிரப்புவதற்கு முன் - வாடிக்கையாளர்கள் சில ஆவணங்களை தயார் செய்து வைத்திருக்க வேண்டும்.

(1) வங்கி கணக்கு அவசியம். மேலும் - வங்கி கணக்கு, வாடிக்கையாளர் பெயரில் தான் இருக்க வேண்டும்

(2) 17 இலக்க வாடிக்கையாளர் எண்ணை (LPG ID) கண்டறிந்திருக்க வேண்டும். இந்த எண் - ரசீது மற்றும் விநியோகஸ்தர் வழங்கும் புத்தகத்திலும் இருக்கும். கீழ்க்காணும் இணையதள வழிகள் மூலமும் - பதிவு செய்த மொபைல் எண்ணை வழங்கி - LPG ID அறியலாம்.

காஹிரா (IOCL) வாடிக்கையாளர்கள்
http://indane.co.in/findlpgid.php

வேலவன் காஸ் ஏஜன்சி (BPCL) வாடிக்கையாளர்கள்
http://my.ebharatgas.com/bharatgas/main.jsp? opt=aadhaar

(3) ஆதார் எண் வழியில் இத்திட்டத்தில் இணைய உள்ளவர்கள் - தபால் மூலம் பெற்ற ஆதார் அட்டையையோ (நகல்) / இணையதளம் மூலம் பதிவிறக்கம் செய்த ஆதார் அட்டையையோ (eAadhaar) தயாராக வைத்திருக்க வேண்டும்.

அடுத்து - ஆதார் எண் பெற்றுள்ளவர்கள் எவ்வாறு இந்த திட்டத்தில் இணைய வேண்டும் என்பதை காண்போம்.

[தொடரும்]

[Administrator: செய்தி திருத்தப்பட்டது @ 5:20 pm / 13.12.2014]

------------------------------------------------------------------------

பாகம் 1 | பாகம் 2 | பாகம் 3 | பாகம் 4 | பாகம் 5 | பாகம் 6 | பாகம் 7 | பாகம் 8 | பாகம் 9 | பாகம் 10