IP: 59.*.*.* India

அஸ்ஸலாமு அலைக்கும் (வரஹ்).

இந்த ஜனாஸா நல்லடக்கத்தில் கலந்துக்கொள்ள சென்றபோது சகோதரர் மஹ்மூது லெப்பை அவர்கள் வேண்டுகோள் விடுத்ததை செவியேற்கும் வாய்ப்பும் எமக்கு கிடைத்தது - அது மிகவும் உருக்கமான வேண்டுகோள்.

நேற்றுக்கூட ஒரு ஜனாஸாவை அவர்கள் குடும்பத்தார் வழமையாக அடக்கக்கூடிய மையவாடியில் தண்ணீர் தேங்கி நின்றதால் வேறொறு பள்ளி மையவாடியில் நல்லடக்கம் செய்தார்கள் – அந்த பள்ளி மையவாடியும் இக்கட்டான நிலையில்தான் இருக்கிறது.

-----------------------

பொதுவாக ஒருவர் மௌத்தாகிவிட்டால் அந்த வீட்டுக்கு சென்று மையித்தை போய் பார்ப்போம் , அவர்களுக்கு ஆறுதல் சொல்வோம், ஜனாஸாவுடன் சென்று தொழுது, அடக்கம் செய்தபின் நம் இருப்பிடம் திரும்புவோம். நம் வீட்டிலே உள்ளவர்கள் மௌத்தானால் கஃபன் துணி வாங்குவது முதல் அத்தனை செலவினங்களுக்கும் யாரிடமாவது பணத்தை கொடுத்து செய்ய சொல்லுவோம் அல்லது சிலர் தாங்களே முன்னின்று அவைகளுக்கான பணம் பட்டுவாடா செய்வார்கள்.

அதிகப்படியாக சொல்லவேண்டுமானால் ஜனாஸாவை எங்கள் குடும்பத்தவர்கள் அடக்கப்பட்டிருக்கும் இந்த இடத்தில் அடக்குங்கள் அந்த இடத்தில் அடக்குங்கள் என்று அந்த இடத்தின் நிலையை (புதிதாக ஜனாஸா அடக்கபட்டிருக்கிறதா? அல்லது வேறு ஏதும் இடையூறு இருக்கிறதா என்பதை) அறியாமல் பள்ளி நிர்வாகத்துடன் வாக்குவாதம் செய்வோம். இதைத் தவிர மையவாடியில் இருக்கின்ற எந்த சிறமமும், குறை, நிறைகளும் நமக்கு தெரியாது.

---------------------------

ஜனாஸாக்களை குளிப்பாட்டி , அடக்கம் செய்வது வரை உள்ள பணிகளை அல்லாஹ்வுக்காக வேண்டி செய்துவரும் சகோதரர் மஹ்மூது லெப்பை அவர்கள் ஜனாஸாக்களை அடக்குவதில் என்னென்ன சிறமங்கள் இருக்கிறது இந்த நிலை நீடித்தால் மேலும் என்னென்ன பிரச்சனைகள் வரும் என்பதை நம் எல்லோரையும் விட மிகவும் நன்கு அறிந்தவர். ஆகவே சகோதரர் விடுத்திருக்கும் இந்த வேண்டுகோளை ஏற்று நாம் அனைவரும் அவரவர்களால் இயன்றளவு உதவிட வேண்டும். அதுவும் துரிதமாக உதவுவதில்தான் மிகுந்த பயன் உள்ளது.

எந்த ஓர் அபாயகரமான சூழலும் ஏற்படும்பொழுது அதற்கு நாம் அவசியம் உதவ வேண்டும் என்ற எண்ணம் நம்மவர்கள் மனதில் ஏற்படும் - அந்த எண்ணத்தை உடனே செயல்படுத்த வேண்டும். அப்படி உடனே செய்யவில்லையானால் அதன் வீரியம் குறைந்துவிடும் அது மறக்கடிக்கப்பட்டுவிடும் அதை மறந்துவிடுவோம் இதுதான் மனிதர்களின் இயல்பு.

இன்றைய தினம் வரை எல்லா மையவாடிகளும் தண்ணீர் தேங்கிய நிலையிலேயே உள்ளன. நம்மவர்கள் அதை ஒருமுறை சென்று பார்த்தால் மையவாடிகள் மட்டும் குளமாக தெரியாது - தூய எண்ணம் உள்ளவர்களின் கண்களும் குளமாகும் என்பது திண்ணம்.

------------------------------

இந்த ஜனாஸாவை அடக்க தோண்டப்பட்டிருக்கிற மண்ணறையை இந்த செய்தியிலே காட்டப்பட்டிருக்கிற படத்தில் பாருங்கள் எவ்வளவு உயரம் என்று - இரண்டு அடிகள்கூட இல்லை என்றே தெரிகிறது. எப்படியோ சமாளித்து அடக்கிவிட்டார்கள். இது போல் எத்தனை ஜனாஸாக்களை அடக்க முடியும் என்பதையும் நாம் சிந்திக்க வேண்டும்!.

இந்த நிலை நீடித்தால் ஊரில் மௌத்தானவர்களை வெளியூருக்கு கொண்டு போய்தான் அடக்க வேண்டிய சூழ்நிலை ஏற்படும் என்பதையும் உணரவேண்டும்.

நாம் ஒவ்வொருவரும் இதை சிந்தித்து துரிதமாக செயல்பட்டோமானால் இன்ஷா அல்லாஹ்! நம் மையவாடிகள் அத்தனையும் மேடுகளாகி ஜனாஸாக்களை அடக்க சிரமம் ஏற்படாமல் இருக்கும்.

வல்ல அல்லாஹ்! நம் அனைவருக்கும் அந்த எண்ணத்தையும் அதை நிறை வேற்றக்கூடிய ஆற்றலையும் தருவானாக ஆமீன். வஸ்ஸலாம்.

IP: 62.*.*.* Oman

அஸ்ஸலாமு அழைக்கும் வரஹ்மாதுல்லாஹி வ பரகாதஹு

ஒரு புண்ணியமான காரியம். எல்லோரும் ஈடுபட்டு செய்ய வேண்டிய ஒரு காரியம்! தயவுசெய்து முன் வாருங்கள்.

சாதாரண செய்திக்கெல்லாம் கமெண்ட்ஸ் எழுதுவாங்க, இதுக்கு எத்தனைபேர் கமெண்ட்ஸ் எழுதுவாங்கன்னு பார்ப்போம்.

அப்துல்காதர் (பாதுல் அஷ்ஹப் )

IP: 2.*.*.* Saudi Arabia

நான் ஆச்சரியத்துடன் பார்க்கும் மனிதர்களில் சகோதரர் கே.எம்.என்.மஹ்மூத் லெப்பை அவர்களும் ஒருவர். மரணம் சம்பவித்தால் முதல் அலைபேசி இவர்களுக்குதான் செல்லும். எந்த நேரமாக இருந்தாலும் உடனடியாக ஆஜராகி விடுவார்கள்.

இவர்களுடன் சேர்ந்து மூன்று மையத்துகளை குளிப்பாட்டும் வாய்ப்பு கிடைத்தது. இவர்களின் செயலை கண்டு அதிசயத்து போனேன். வல்ல அல்லாஹ் இவர்களின் சேவைக்கு இரு உலகிலும் உயர்ந்த கூலியை வாரி வழங்குவானாக.

இவர்களின் கோரிக்கை அவசியமானதும் அவசரமானதும் ஆகும்.

நன்றாக இருக்கும் முடுக்குகளிலும் தெருக்களிலும் திருமண அழைப்புக்கு வண்டி வண்டியாக மண் அடித்து ஒரு பிரயோஜனமும் இல்லாமல் செலவு செய்கின்றார்கள். மைய்யவாடிக்கு ஒரு 2 வண்டி மண்ணை அடிக்கலாமே.

இந்த மாதம் ஊரில் நூற்றுக் கணக்கில் திருமணம் வருகிறது, கொஞ்சம் இதில் கவனம் எடுத்து உங்களின் நன்மை கணக்கை கூட்டிக்கொள்ளுங்களேன்.

இரண்டு அடியில் ஒரு மைய்யத்தை அடக்கி இருப்பதை பார்த்து மனது வலிக்கின்றது. இறைவனின் அருளால் நம் ஊர் மையவாடிகள் பாதுகாப்புடன் இருக்கின்றது. இல்லை என்றால் நாய்களும் நரிகளும் இரண்டு நோண்டு நோண்டினால்.......!!!! நிலைமை என்ன ஆகும்.

வல்ல அல்லாஹ் நம் அனைவர்களுக்கும் நிம்மதியான வாழ்வை இரு உலகிலும் தருவானாக.

சாளை S.I.ஜியாவுத்தீன், அல்கோபார்

IP: 122.*.*.* India

மிக உருக்கமான ஒரு அழைப்பு ..

மஹ்மூத் காக்கா பற்றி சொல்லி தெரிய வேண்டியது இல்ல ..

செய்தியை படித்ததும் , மற்றும் கருத்துகளை படித்ததும் என் கண்களில் இருந்து கண்ணீர் வந்து விட்டது ..

இது காலத்தின் கட்டாயம் . நாம் அனைவரும் போர் கால அடிப்படையில் இந்த திட்டத்தை முடிக்க வேண்டும் இன்ஷா அல்லாஹ் .. அல்லாஹ் இதற்க்கு துணை இருப்பான்..

என்றும் அன்புடன்,
குளம் முஹம்மத் சாலிஹ் கே.கே.எஸ்
சென்னை

IP: 117.*.*.* India

நாம் போட்டு விட்டு செல்லும் இந்த தற்காலிக இல்லத்துக்காக பார்த்து பார்த்து செலவழிக்கிறோம் அதுவும் இந்த மழை வந்ததிலிருந்து ஒவ்வொரு வீட்டிலும் ரிப்பேர் வேலை நடக்கிறது.

அப்படிஎன்றால் ...................

நாம் நிரந்தரமாக இருக்கும் இதற்காக செலவழித்தால் இதன் நன்மையால் கியாமத் நாள் வரை கப்ரில் புது மாப்பிள்ளை போல் தூங்கிக்கொண்டிருக்கலாம்

அல்லாஹ் அனைவருக்கும் இந்த பாக்கியத்தாவ் தருவானாக ஆமீன்

உம்முஹானி கரீம்