Kayal on the Web

செய்திகள்

செய்தி எண் (ID #) 15326

#KOTW15326

சனி, ஐனவரி 31, 2015

கொட்டமடைக்காடா? அப்படீனா?

செய்தி: காயல்பட்டணம்.காம்
இந்த பக்கம் 6534 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

புதிதாக வெளிவந்துள்ள கடலோர பகுதி மேலாண்மை திட்ட வரைப்படத்தில் (COASTAL ZONE MANAGEMENT PLAN), திருச்செந்தூர் தாலுகா - காயல்பட்டினம், புன்னக்காயல் வட்டாரத்தில் அமைந்துள்ள கொட்டமடைக்காடு இடம்பெறாதது குறித்து காயல்பட்டினம் சுற்றுச்சூழல் பாதுகாப்பு அமைப்பு (KEPA) புகார் மனுக்களை அரசு துறைகளிடம் சமர்ப்பித்துள்ளது. இது குறித்து அவ்வமைப்பு சார்பாக, அதன் செய்தி தொடர்பாளர் எஸ்.கே.சாலிஹ் வெளியிட்டுள்ள செய்திக்குறிப்பு வருமாறு:

காயல்பட்டினம், புன்னக்காயல் வட்டாரத்தில் அமைந்துள்ளது கொட்டமடைக்காடு. காப்புக்காடான இது, இப்பகுதிகளில் அனைவராலும் அறியப்பட்ட ஒன்றாகும். இக்காடு குறித்த விபரங்களை - தமிழக அரசின் நில அளவை துறை வெளியிட்டுள்ள இப்பகுதிகளுக்கான கிராம வரைப்படங்கள் (VILLAGE MAPS) தெரிவிக்கின்றன.

இது இவ்வாறிருக்க, தமிழக அரசின் சுற்றுச்சூழல் இயக்ககம் மேற்பார்வையில் வெளிவந்துள்ள கடலோர பகுதி மேலாண்மை திட்ட வரைப்படத்தில், கொட்டமடைக்காடு குறித்த விபரங்கள் இடம்பெறவில்லை. கிராம வரைப்படங்கள் - காடாக அடையாளம் காணும் சில இடங்கள், உப்பளங்களாக, குறியிடப்பட்டுள்ளன.

1986ம் ஆண்டுக்கு பிறகு தயார் செய்யப்பட்ட கிராம வரைப்படத்தில் உள்ள தகவல் கூட, CZMP வரைப்படத்தில் இடம்பெறாமல் இருப்பதும், அதற்கு மாற்றான தகவல் இருப்பதும் சில கேள்விகளை எழுப்பியது.

எனவே - இவைகள் குறித்து விசாரிக்க வேண்டி, சென்னையில் - தமிழக அரசின் சுற்றுச்சூழல் துறையின் செயலர் திரு ஹன்ஸ் ராஜ் வர்மா IAS அவர்களையும், சுற்றுச்சூழல் துறை இயக்குனர் திரு ஹெச்.மல்லேஸ்ஸப்பா IFS அவர்களையும் நேரடியாக சந்தித்து, KEPA அமைப்பின் செயலாளர் அப்துல் காதர் நெய்னா - புகார் மனுக்களை, சமீபத்தில் சமர்ப்பித்துள்ளார். மேலும் - இது குறித்து மனு, மாவட்ட ஆட்சியர் திரு ரவி குமார் IAS அவர்களிடமும் வழங்கப்பட்டுள்ளது.

இதனை தொடர்ந்து - விளக்கம் கேட்டு, சுற்றுச்சூழல் இயக்குனர் - மாவட்ட வன அலுவலருக்கு, கடிதம் அனுப்பியுள்ளார். அதில் - கொட்டமடைக்காடு காப்பு காடு குறித்த விபரங்களை கோரியுள்ளார். மேலும் - இந்த காடு, காப்புக்காடு தகுதியில் இருந்து தரம் குறைக்கப்பட்டிருந்தால், அது சம்பந்தமான அரசாணைகள் / சுற்றறிக்கைகள் ஆகியவற்றையும் அவர் கோரியுள்ளார்.

இதற்கிடையே, தகவல் அறியும் உரிமை சட்டத்தின் கீழ், தூத்துக்குடி மாவட்ட வன அலுவலரிடம் கோரப்பட்ட கேள்விகளுக்கு வழங்கப்பட்ட பதிலில், திருச்செந்தூர் தாலுக்காவில், குதிரைமொழி கிராமத்தில், குதிரைமொழித்தேரி என்ற காப்புக்காடு உள்ளது என்றும், கொட்டமடைக்காடு காப்புக்காடு குறித்த விபரங்கள் இல்லை என்றும் தெரிவிக்கப்பட்டுள்ளது.

[Administrator: கூடுதல் படம் இணைக்கப்பட்டது @ 11:10 pm / 31.01.2015]

{TAGS} kottamadaikadu reserved forest department of environment czmp environment secretary village map collector kepa dcw

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. கொட்டைமடை.காட்டைமட்டுமா தேடுகிறோம்,?.
posted by முஹம்மது ஆதம் சுல்தான்! (yanbu) [01 February 2015]
IP: 128.*.*.*

Romania | Comment Reference Number: 39134

தமிழகத்தில் ஒரு ஊரான காயலிலுள்ள கொட்டைமடை காடு. அது எங்கு இருக்கிறது என்று வரைபடத்தில் வலம் வருகிறோம் விபரம் இல்லை. தமிழகத்தில் இந்த காட்டைமட்டுமா தேடுகிறோம்?

தமிழக முதல்வர்தான் நான் என்று சொல்லும் அந்த முதல்வரையும் அல்லவா தேடுகிறோம். நான்தான் தமிழக முதல்வர் என்று பகிரங்கமாக பிரகடனப்படுத்தும் அந்த முதல்வரை யாராவது பார்த்தால் சொல்லும்கள் பின்னர் அவரிடமே நேரிடியாக நம்மூரில் காணாமல்போன கிணற்றைப்பற்றியோ காட்டைப்பற்றியோ புகார் கொடுக்கலாம்!

அல்லாஹ் அனைத்தும் அறிந்தவன்!.

அன்புடன்,
முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. இன்னும் எத்தனை காடுகள் மாயமாக மறைந்து தொழிற்சாலைகளாக மாறி போனதோ...!
posted by தமிழன் முத்து இஸ்மாயில் (காயல்பட்டினம்.) [01 February 2015]
IP: 180.*.*.*

India | Comment Reference Number: 39135

சிறுவயதில் கொட்டமடைக்காடு என்னும் இடத்தில் பறவை வேட்டைக்கு சென்று வந்த நினைவு எனக்கு உள்ளது - தற்போது இக்கிராமத்தின் அணைத்து காடுகளும் வெளிமாநில தொழிற்சாலைகளின் நிறுவனர்களுக்கு தாரை வார்த்து கொடுக்கபடுகின்றன என்பதை இச்செய்தி மூலம் உணர முடிகின்றது,,,!

நகரின் இப்போதுள்ள தலைமுறையினர்களுக்கு கொட்டமடைக்காடு என்ற இடம் எங்கு இருந்தது என்ற செய்தியே விளங்காது.. கொட்டமடைக்காடு சுற்றுவட்டார பகுதி மக்கள் அனைவரும் இக்காட்டை மீட்க அரசின் கவனத்திற்கு எடுத்து செல்ல வேண்டும்.. இன்னும் எந்த எந்த காடுகள் அரசின் துணையோடு மாயமாக போனதோ..!

அரசியல் வாதிகளின் / அரசு அதிகாரிகளின் துணை இல்லாமல் எந்த காடும் மாயமாக வாய்ப்பில்லை..

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by P.S. ABDUL KADER (KAYALPATNAM) [01 February 2015]
IP: 180.*.*.*

India | Comment Reference Number: 39136

வேட்டையின் திருவாளையம், மாவீரன் காதர் சுலைமான் ஒரு நேரத்தில் தோட்டாவை எனது தோள்பட்டையில் வைத்தாமாறு குறிவைத்து வனவிலங்குகளை சுட்டும், சுட்டும் தின்னாகாலம்.

பள்ளி விடுமுறை காலத்தை கொட்டைமடை காட்டிலே காலம் தள்ளி கொண்டுவந்தேன். 2004 க்கு பின்தான் சுனாமி.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...ஜெயலலிதா மீண்டும் முதல் அமைச்சராக வந்தால் ...
posted by mackie noohuthambi (colombo) [01 February 2015]
IP: 103.*.*.* | Comment Reference Number: 39139

ஜெயலலிதா அவர்கள் கடந்த நாடாளு மன்ற தேர்தல் கூட்டங்களில் பேசியபோது தான் கை காட்டக் கூடியவர் மத்தியில் ஆட்சி அமைக்க வேண்டும் என்றும் ஒரு கட்டத்தில் தானே இந்திய பிரதமராக வர விருப்பமும் வியூகமும் வகுத்தார்கள். 37 உறுப்பினர்களுடன் வெற்றி வாகை சூடி வெற்றி திருமகளாக - நினைத்ததை முடிப்பவராக அடையாளம் காணப்பட்டார்.

ஆனால் பாம்பு கட்டம் விளையாட்டில் பல ஏணிகளில் ஏறி உயரே சென்றாலும் 93 என்ற இலக்கை அடையும் போது அங்கு ஒரு பாம்பு 3 வது நம்பருக்கு இறக்கி நம்மை கேவலப் படுத்தி விடுவதுபோல், சொத்து குவிப்பு வழக்கில் மீள முடியாத ஒரு பின்னடைவை சந்திக்க நேர்ந்து விட்டது. அதன் விளைவு இன்று தமிழக சட்டமன்றத்தில் முதல் அமைச்சர் ஆசனத்தில் அமர்வதற்கே அச்சப் படுகின்ற அல்லது அதற்கு தான் தகுதியானவர் இல்லை என்று செயல்பட்டுக் கொண்டிருக்கின்ற ஒரு ஆட்சியில் இந்த விஷயங்களை எல்லாம் யார் மண்டையில் போட்டுக் குழப்பிக் கொள்வார்கள். குபேர மலையே காணாமல் போய் விட்ட விந்தைகளை சகாயம் வெளியிட்டு வருகிறார். இந்த நிலையில் கொட்டமடைக் காடு என்ன, வரை படத்தில் காயல்பட்டினம் இருக்கிறதே என்று எண்ணி திருப்தி பட்டுக் கொள்ளுங்கள்.மீண்டும் ஜெயலலிதா அவர்கள் முதல் அமைச்சராக வந்தால் இந்த தவறுகளை திருத்த சொல்லலாம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்