{ முகநூல் கருத்துக்கள்}{ட்விட்டர் கருத்துக்கள்}

காந்தி சிந்தனை மையம் சார்பில், அதன் இயக்குநர் டாக்டர் போஸ் ஆலோசனையின் பேரில், காயல்பட்டினம் .இரத்தினபுரி, அருணாச்சலபுரத்தில் தியாகிகள் நாள் இம்மாதம் 30ஆம் நாள் வெள்ளிக்கிழமையன்று கடைப்பிடிக்கப்பட்டது.

இரத்தினபுரியிலுள்ள காந்தி பாலர் மன்றம் சார்பில் நடைபெற்ற தியாகிகள் நாள் நிகழ்ச்சிக்கு சிவன்கோயில் தெரு ஊராட்சி ஒன்றிய துவக்கப்பள்ளி தலைமையாசிரியர் டி.ஆரோன் பொன்ராஜ் தலைமை தாங்கினார். ஸ்ரீகுமரகுருபரர் கலைக் கல்லூரி மாணவர் மணிகண்டன், ‘கதரும், உப்பும்’ என்ற தலைப்பில் உரையாற்றி மாணவ மாணவியருக்கு காந்திய சிந்தனையைப் போதித்தோடு தியாகிகள் பற்றியும் எடுத்துரைத்தார். மாணவ மாணவிகளுக்கு வினாடி வினா போட்டியும் நடத்தப்பட்டது.



அதுபோல, காயல்பட்டினம் அருணாச்சலபுரம் தேசிய தொடக்கப்பள்ளியில் தலைமை ஆசிரியர் எம்.சுகந்தி தலைமையில் நடைபெற்ற நிகழ்ச்சியிலும் மாணவர் மணிகண்டன் காந்திஜி மற்றும் தியாகிகள் பற்றி உரையாற்றி வினாடி வினா போட்டியையும் நடத்தினார்.