Kayal on the Web

செய்திகள்

செய்தி எண் (ID #) 15549

#KOTW15549

திங்கள், மார்ச் 9, 2015

காயல்பட்டினம் வழியாக பேருந்துகள் செல்ல நடவடிக்கை! நகர்மன்றத் தலைவர் தகவல்!!

செய்தி: காயல்பட்டணம்.காம்
இந்த பக்கம் 3787 முறை பார்க்கப்பட்டுள்ளது | வாசகர் கருத்துக்கள் காண (8) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் வழியாக செல்ல வேண்டிய பேருந்துகள், அடைகலபுரம் வழியாக செல்வதாக நீண்ட நாட்களாக புகார்கள் எழுந்து வருகிறது. இது குறித்து நகர்மன்றத் தலைவர் ஐ.ஆபிதா சேக், சமீபத்தில் - சென்னையில் போக்குவரத்து துறை அமைச்சரிடம் புகார் மனு கொடுத்திருந்தார்.

அந்த புகார் மீது எடுக்கப்பட்டுள்ள நடவடிக்கைகள் குறித்து - நகர்மன்றத் தலைவர், தனது முகநூல் பக்கத்தில் பதிவு செய்துள்ளார்.

அதில் தெரிவித்திருப்பதாவது:

காயல்பட்டினம் வழியாக செல்ல வேண்டிய பல பேருந்துகள் காயல்பட்டினம் வராமல் - அடைக்கலபுரம் பாதையில் செல்வதாக பல நாட்களாக புகார்கள் இருந்து வருகிறது.

இது குறித்து - ஜனவரி மாதம், சென்னையில் போக்குவரத்து துறை அமைச்சர் மாண்புமிகு திரு செந்தில் பாலாஜி அவர்களிடம் புகார் மனு கொடுத்திருந்தேன்.

அதனை தொடர்ந்து - திருநெல்வேலி மண்டல பொது மேலாளர், தூத்துக்குடி மற்றும் திருச்செந்தூர் கிளை மேலாளர்கள் ஆகியோரிடமும் மனு கொடுத்திருந்தேன். திருச்செந்தூர் வட்டார போக்குவரத்து அலுவலர் (RTO) அவர்களிடமும் மனு கொடுத்தேன்.

திருச்செந்தூர் கிளை மேலாளர் திரு பாஸ்கர் அவர்கள், திருச்செந்தூர் கிளை பேருந்துகளில் - அடைகலபுரம் பெர்மிட் பெற்றுள்ள இரண்டு மதுரை மற்றும் இரண்டு வேளாங்கணி பேருந்துகள் தவிர, அனைத்து பேருந்துகளும் காயல்பட்டினம் வழியாக தான் செல்ல வேண்டும் என்றும் தெரிவித்தார்கள்.

மேலும் - அவ்வாறு பேருந்துகள் இயக்கப்படவில்லை என்றால், ஒழுங்கு நடவடிக்கை எடுக்கப்படும் என்று சுற்றறிக்கை தற்போது வெளியிடப்பட்டுள்ளதாகவும் தெரிவித்தார்கள்.

இது தவிர - திருநெல்வேலி மண்டலத்திற்கு உட்பட்ட,

சங்கரன்கோவில் (1 சேவை),
தூத்துக்குடி (1 சேவை),
விளாத்திக்குளம் (1 சேவை),
ஸ்ரீவில்லிப்புத்தூர் (2 சேவைகள்),
சிவகாசி (1 சேவை),
கோயம்புத்தூர் (2 சேவைகள்),
திருப்பூர் (3 சேவைகள்),
திண்டுக்கல் (3 சேவைகள்),
குமுளி (2 சேவைகள்),
பெரியகுளம் (1 சேவை) -

ஆகிய வழித்தட பேருந்துகள் தற்போது காயல்பட்டினம் வழியாக செல்ல துவங்கியிருப்பதாகவும் தெரிவித்தார்கள்.

தொடர்ந்து நிலைமையை - திடீர் ஆய்வுகள் மூலமாக கண்காணிக்கவும், அதிகாரிகள் உறுதி அளித்துள்ளார்கள்.

நடவடிக்கை எடுத்த மாண்புமிகு போக்குவரத்து துறை அமைச்சர் அவர்களுக்கும், அனைத்து போக்குவரத்து துறை அதிகாரிகளுக்கும் - பொது மக்களின் சார்பாக மனமார்ந்த நன்றியினை தெரிவித்து கொள்கிறேன்.

திருநெல்வேலி மண்டலம் சாராத - காயல்பட்டினம் பெர்மிட் பெற்ற - கோயம்புத்தூர், கும்பகோணம், மதுரை மண்டல பேருந்துகளும் - காயல்பட்டினம் வழியாக செல்ல - இறைவன் நாடினால் - தொடர்ந்து முயற்சி எடுப்பேன்.

இவ்வாறு அவர் தனது முகநூல் பதிவில் தெரிவித்துள்ளார்.

தகவல்:
காயல்பட்டினம் நகர்மன்றத் தலைவரின் Facebook பக்கம்
https://www.facebook.com/aabidha.shaik

{TAGS} chairman abeedha municipality bus stand bus service transport state transport adaikalapuram senthil balaji

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by ummuhani kareem (kayalpatnam) [10 March 2015]
IP: 117.*.*.*

India | Comment Reference Number: 39549

ஆபிதா ஷேக் அவர்களே! நீங்கள் இந்த நடவடிக்கை எடுத்ததற்கு நன்றி ! கண்டிப்பாக உங்களின் பதவிக்காலம் முடியும் முன்னால் இதற்கு முடிவு எடுத்தே ஆக வேண்டும்

பெண்களாகிய நாங்கள் எப்போதோ தான் வெளியூருக்கு செல்கிறோம் அடிக்கடி வெளியூர் செல்லும் ஆண்கள் எவ்வளவு சிரமப்படுகிறார்கள் என்பது நாம் செல்லும் போது தான் தெரிகிறது திருசெந்தூரோ அல்லது தூத்துக்குடி , திருநெல்வேலி போன்ற வெளியூர்களில் எல்லாம் நமதூர் மக்கள் கண்டகடரிடமோ டிரைவரிடமோ சென்று இது காயல்பட்டணம் போகுமா? போகுமா? என்று பிச்சை கேட்பது மாதிரி கேட்க வேண்டியுள்ளது அவர்களும் வெறுப்பான முகபாவத்துடன் போகாது என்று கத்துகிற சூழ்நிலையை பார்க்கிறோம் இது பல வருடங்களாக நடக்கிறது. இதற்கு முடிவு எடுத்தே ஆக வேண்டும்

இப்படி ஒரு நாள் ஆழ்வார்திருநகரியில் நிற்கும் போது 10 பஸ்களுக்கு மேல் திருச்செந்தூருக்கு சென்றது காயல்பட்டணம் செல்லாது என்று கூறி விட்டனர் நாம் ஏதோ கிராமத்தில் தான் இருக்கிறோமா என்று நினைக்க வேண்டியுள்ளது அப்போது அங்கு நின்று கொண்டிருந்த நமதூரில் டிரைவர் ஆக வேலை பார்க்கக்கூடிய ஒருவர் சொன்ன தகவல் இன்னும் 5 ஆண்டுகள் போனால் நமதூருக்கே வண்டி வராது அந்த மாதிரி நமதூர் சாலைகளை அவரவர் விருப்பத்துக்கு ஏற்ற மாதிரி வண்டிகளையும் பைக்குகளையும் வழியில் நிப்பாட்டி வைத்துக்கொண்டு அந்த ஊரிலேயே வேலை செய்கிற நமக்கே சிரமமாக இருக்கிறது இதனால் தான் அவர்கள் இப்படி செய்கிறார்கள் என்ற தகவலையும் கூறினார் ஆதலால் இதற்கும் நீங்கள் நடவடிக்கை எடுக்க வேண்டும்.

நான் அமைச்சரிடம் மனு கொடுத்து விட்டேன் என்று இருக்காமல் இதற்கு என்ன காரணம் என்ற விளக்கத்தையும் கேட்டு தீர்வு எடுக்க வேண்டும்.

மேலும் ஏற்கெனவே நான் உங்களிடம் சொன்ன மாதிரி முதியோர் தொகை விதவை தொகை மக்களுக்கு கிடைக்க செய்தல் காயல்பட்டணத்தில் அலங்கோலமாக இருக்கும் ரோடுகள சீரமைத்தல் இந்த மாதிரி நல்ல காரியங்களை செய்யும் போது மக்களின் மனதில் நீங்கா இடம் பெறுவீர்கள் இறைவனிடத்தில் நமக்கு நன்மையையும் கிடைக்கும்

எல்லா புகழும் இறைவனுக்கே!
வல்லான் அவனே துணை நமக்கே!

உம்முஹானி கரீம்