{ முகநூல் கருத்துக்கள்}{ட்விட்டர் கருத்துக்கள்}

வாவு வஜீஹா வனிதையர் கல்லூரியின் மாணவியர் பேரவைத் தேர்தல், 13.07.2015 திங்கட்கிழமையன்று, கல்லூரி வளாகத்தில் நடைபெற்றது.

மாணவியர் பேரவைத் தலைவர் பொறுப்பிற்கு 3 மாணவியரும், இணைத்தலைவர் பொறுப்பிற்கு 7 மாணவியரும், செயலர் பொறுப்பிற்கு 2 மாணவியரும், இணைச்செயலர் பொறுப்பிற்கு 7 மாணவியரும் போட்டியிட்டனர்.

கல்லூரி மாணவியரின் வாக்களிப்பின் நிறைவில், அன்றைய நாளிலேயே தேர்தல் முடிவுகள் அறிவிக்கப்பட்டன. அதன்படி, மூன்றாமாண்டு பொருளியல் துறை மாணவி ஏ.ஆர்.முஹம்மத் உம்மு ஷிஃபானா மாணவியர் பேரவைத் தலைவராகத் தேர்ந்தெடுக்கப்பட்டார்.

இரண்டாமாண்டு வணிக நிர்வாகவியல் மாணவி ஆர்.அஜித்ரா இணைத் தலைவராகவும், பொருளியல் மூன்றாமாண்டு மாணவி டி.புஷ்பா செயலாளராகவும், ஆங்கில இலக்கியத் துறை முதலாமாண்டு மாணவி எச்.லத்தீஃபா ஸஹானா இணைச் செயலாளராகவும் தேர்ந்தெடுக்கப்பட்டனர்.

மாணவியர் பேரவைக்குப் புதிதாகத் தேர்ந்தெடுக்கப்பட்ட நிர்வாகிகளை, கல்லூரி முதல்வர் (பொறுப்பு) இரா. அருணா ஜோதி, உதவி பேராசிரியையர், மாணவியர் பாராட்டினர்.

வாவு வஜீஹா வனிதையர் கல்லூரியில் 2012ஆம் ஆண்டு நடைபெற்ற மாணவியர் பேரவை தேர்தல் குறித்த முந்தைய செய்தியைக் காண இங்கே சொடுக்குக! வாவு வஜீஹா வனிதையர் கல்லூரி தொடர்பான முந்தைய செய்தியைக் காண இங்கே சொடுக்குக!