Kayal on the Web

செய்திகள்

செய்தி எண் (ID #) 16246

#KOTW16246

புதன், ஜுலை 15, 2015

என்று நோன்பு பெருநாள் (1436)?

செய்தி: காயல்பட்டணம்.காம்
இந்த பக்கம் 4685 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 5)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

ஷவ்வால் (1436) மாத அமாவாசை ஜூலை 16 வியாழக்கிழமை அன்று - இங்கிலாந்து நேரப்படி அதிகாலை 1:24 மணி அளவில் ஏற்படுகிறது. அப்போது இந்திய நேரம் காலை 6:54.

ஜூலை 16 அன்று காயல்பட்டணத்தில் சூரியன் மாலை 6:41 மணிக்கு மறைகிறது. சந்திரன் மறையும் நேரம் 6:54. காயல்பட்டினத்தில் சூரியன் மறைந்து 13 நிமிடங்கள் கழித்து சந்திரன் மறைகிறது. மேலும் சந்திரன் மறையும்போது, பிறையின் வயது சுமார் 12 மணி நேரம். எனவே - காயல்பட்டினத்தில் - வெறுங்கண்கள் கொண்டு அன்று பிறையை காண இயலாது.

ஜூலை 16 அன்று வெறுங்கண்கள் கொண்டு - தென் பசிபிக் கடல் பகுதிகள் எளிதாகவும், தென் அமெரிக்க கண்டத்தின் மத்திய மற்றும் தெற்கு பகுதிகளில் வானிலை சூழல் தெளிவாக இருந்தால், எளிதாகவும் பிறையை காணலாம்.

தென் அமெரிக்க கண்டத்தின் ஏனைய பகுதிகளிலும், மத்திய அமெரிக்க கண்டம், மெக்சிகோ, அமெரிக்க நாட்டின் தென் பகுதி, ஆப்ரிக்கா கண்டத்தின் தென் பகுதிகளில் தொலை நோக்கிகள் உதவிக்கொண்டும் பிறையை காணலாம்.

ஜூலை 17 அன்று காயல்பட்டணத்தில் சூரியன் மாலை 6:41 மணிக்கு மறைகிறது. சந்திரன் மறையும் நேரம் 7:40. சூரியன் மறையும்போது பிறையின் வயது 36 மணி நேரம். சூரியன் மறைந்து வானில் 59 நிமிடம் வரை பிறை இருக்கும். காயல்பட்டினத்தில் - எளிதாக பிறையை காணலாம்.

கனடா, ஐரோப்பா, சீனா, ஆகிய பகுதிகளின் வட பகுதி, ரஷ்ய நாட்டின் தென் பகுதி ஆகியவற்றில் தொலைநோக்கிகள் உதவிக்கொண்டும், உலகின் இதர பகுதிகளில் - வெறுங்கண்கள் கொண்டு எளிதாகவும் காணலாம்.

பிறையை கணக்கிட்டு அறியலாம் என்ற நிலையில் உள்ளவர்களுக்கு - ஜூலை 17 - ஷவ்வால் 1, நோன்பு பெருநாள் தினமாகும்.

உலகில் எங்கே பிறை காணப்பட்டாலும் அதனை ஏற்று கொள்ளலாம் என்ற கொள்கையில் உள்ளவர்க்கு ஜூலை 16 (அமாவாசை) அன்று ரமழான் 29 பூர்த்தி ஆகிறது. அன்று - தென் பசிபிக் கடல் பகுதிகள் எளிதாகவும், தென் அமெரிக்க கண்டத்தின் மத்திய மற்றும் தெற்கு பகுதிகளில் வானிலை சூழல் தெளிவாக இருந்தால், எளிதாகவும் பிறையை காணலாம். அவ்வாறு பிறை காணப்பட்ட தகவல் வந்தால் ஜூலை 16 அன்று ரமழான் 29 பூர்த்தி செய்து, ஜூலை 17 அன்று ஷவ்வால் மாதம் (நோன்பு பெருநாள்) துவக்குவர். அவ்வாறு தகவல் கிடைக்கவில்லையெனில் - ஜூலை 17 அன்று ரமழான் 30 பூர்த்தி செய்து, ஜூலை 18 அன்று ஷவ்வால் மாதம் (நோன்பு பெருநாள்) துவக்குவர்.

அந்தந்த இடங்களில் பிறை காணப்பட வேண்டும் என்ற கொள்கையில் உள்ளவர்களுக்கு ஜூலை 16 (அமாவாசை) அன்று ரமழான் 28 பூர்த்தி ஆகிறது. எனவே அவர்கள் ஜூலை 17 அன்று ரமழான் 29 பூர்த்தி செய்வர். ஜூலை 17 அன்று காயல்பட்டினத்தில் பிறையை எளிதாக காணலாம். அவ்வாறு கண்டால், அவர்கள் ஜூலை 17 அன்று ரமழான் 29 பூர்த்தி செய்து, ஜூலை 18 அன்று ஷவ்வால் மாதம் (நோன்பு பெருநாள்) துவக்குவர்.

ஜூலை 17 அன்று வானிலை சூழல் காரணமாக பிறை தென்படவில்லையென்றால், அவர்கள் ஜூலை 18 அன்று ரமழான் 30 பூர்த்தி செய்து, ஜூலை 19 அன்று ஷவ்வால் மாதம் (நோன்பு பெருநாள்) துவக்குவர்.

{TAGS} hijri 1436 ramadhan shawwal eid fasting crescent moonsighting islamic calendar

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by zubairrahman-ab. (Doha-Qatar) [15 July 2015]
IP: 176.*.*.*

Qatar | Comment Reference Number: 41347

அனைவருக்கும் நோன்பு பெருநாள் நல் வாழ்த்துக்கள்!

நாம் செய்த எல்லா நற் கிரியைகளையும் ஏற்றுக்கொள்வானாக. சகோதரத்துவம் தழைத்தோங்கவும், வாழ்வின் எல்லா நலமும் வளமும் பெற்று வாழ வல்லோன் பேரருள் புரிவானாக.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by சாளை எஸ்.ஐ.ஜியாவுத்தீன் (அல்கோபார்) [15 July 2015]
IP: 77.*.*.*

Saudi Arabia | Comment Reference Number: 41348

அனைவர்களுக்கும் அட்வான்ஸ் பெருநாள் நல்வாழ்த்துக்கள்.

அன்று ஒரு காலம் இருந்தது, பெருநாளைக்கு ஊருக்கு செல்லலாம், சந்தோசமாக பெருநாள் ஒன்றாக கொண்டாடலாம், நாளைக்கு பெருநாள் நம்மளுக்கு நல்லது ....... கப்ப கப்ப திங்கலாம் ....என்று பாட்டு பாடி மகிழ்ந்து இருந்தோம்.

ஆனால் இன்றோ, பெருநாளைக்கு ஊருக்கு வர வெறுப்பாக இருக்கின்றது. ஒரே வீட்டில் இருந்துக்கொண்டே இரண்டு பெருநாட்கள். பெருநாள் தொழுதுவிட்டு தாய், சகோதரி வீட்டிற்கு சென்றால் அவர்கள் நோன்பு பிடித்து தூங்கு கிறார்கள்.

அவர்கள் அவர்களின் பெருநாளை கொண்டாடிவிட்டு மகன் வீட்டிற்கு வந்தால், அவர்கள் ஷவ்வால் நோன்பு பிடித்து தூங்குகிறார்கள்.

நிம்மதி சந்தோசம் அனைத்தும் தொலைத்துவிட்டு நிற்கின்றோம்.

ஆக, சவுதி யில் லீவு விட்டு விட்டார்கள். இங்கு பெருநாள் கொண்டாடிவிட்டு, இரண்டு மூன்று நாட்கள் கழித்து தான் ஊர் வரனும்.

மாற்று மதக் காரர்கள் உலகம் பூராவும் பௌர்ணமி, அம்மாவாசை பூஜைகளை எந்த ஒரு குழப்பமும் இல்லாமல் அருமையாக கொண்டாடுகிறார்கள்.

ஆனால், இந்த இஸ்லாமிய மார்க்கத்தை வெள்ளை வெளேர் என்று விட்டுவிட்டு செல்லுகிறேன் என்று கண்மணி நாயகம் (ஸல்) கூறி விட்டு சென்ற இந்த இனிமையான, இலகுவான மார்க்கத்தில், அம்புலிமாமாவை பார்ப்பதில் இவ்வளவு குழப்பமா..???

வல்ல அல்லாஹ் அனைவர்களுக்கும் நல்வழியை காமிப்பானாக.

இழந்த சந்தோசத்தை, ஒற்றுமையை திரும்ப கொடுப்பானாக.

சாளை எஸ்.ஐ.ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by nizam (India) [15 July 2015]
IP: 180.*.*.*

India | Comment Reference Number: 41350

ஜியா அவர்களே திருத்திக் கொள்ளுங்கள் அதிலும் அந்த தாய் நோன்பு பிடித்திருப்பாள் மகள் பெருநாள் கொண்டாடுவாள் இந்த கேவலத்தை எங்கே போய் சொல்வது ஏற்கனவே கொள்கை நகராட்சி என்று பிரிந்து கிடக்கும் ஊரை இந்த விசயம் கொளுந்து விட்டு எரிய செய்கிறது காயல் நெட்டுக்கு வேண்டுகோள் ஊரோடு பெருநாள் கொண்டாட ஆன்லைன் சபதம் எடுக்க எற்பாடு செய்தால் நன்றாக இருக்கும்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...நிதர்சனங்களை ஏற்றுக் கொள்ள பழகிக் kollungal
posted by mackie noohuthambi (kayalpatnam) [15 July 2015]
IP: 163.*.*.*

Japan | Comment Reference Number: 41351

சில நிதர்சன உண்மைகள் சில கசப்பான நிகழ்வுகள். இவற்றை உள்வாங்கிக் கொள்ளவும் ஜீரணித்துக் கொள்ளவும் பழகி கொள்ளுங்கள். கவலைகள் மறந்து விடும்.

ஒரு லைலதுல் கதர் ஒரு பெருநாள் என்ற காலம் கடந்து விட்டது. அறிவியல் மிகைத்து நிற்கும் காலம் இது. தலைப் பிறை கண்டால் என்ன து ஆ ஓதவேண்டும் என்று நபிகள் நாயகம் நபி தோழர்களுக்கு சொல்லிக் கொடுத்தார்கள். கணினியில் தம் உள்ளங்களை பறிகொடுத்தவர்கள் அந்த ஹதீதுக்கு விடை கொடுத்து வழி அனுப்பி விட்டார்கள். அது இல்லங்களில் இருந்தும் மறைந்து விட்டது.

பிறை வானில் இருக்கவே செய்யும் இருந்தாலும் நமது கண்களுக்கு தென்படாமல் மேகம் அதை மறைத்து இருக்கும். நாம் விமானத்தில் பறந்து அதை தேடி அலைய தேவை இல்லை. அல்லது வேறு எங்காவது பிறை தெரிந்திருக்கிறதா என்று மனதை போட்டு குழப்ப தேவை இல்லை.

very simple formula made a great chemistry .there is more heat than light

அதன் பரினாம வளர்ச்சி இந்த நிலைக்கு நம்மை தள்ளி விட்டிருக்கிறது. இப்போது ஒரு து ஆ வை மட்டும் நாம் இறைவனிடம் கேட்கவேண்டும்,

இறைவா, மாற்ற முடிந்தவற்றை மாற்றிக் கொள்ளும் மன தைரியத்தை எனக்கு தா

மாற்ற முடியாதவற்றை ஜீரணித்துக் கொள்ளும் மனப் பக்குவத்தை எனக்குதா

இவ்விரண்டுக்கும் இடையில் உள்ள வித்தியாசத்தை அறிந்து தெரிந்து எது சரியோ எது நபி வழியோ அதன்படி அமல் செய்யும் நல்ல நசீபையும் எனக்குதா. நோன்பு எனக்குரியது அதற்கு நானே கூலி தருகிறேன் என்று சொல்லும் இறைவா நான் அனுஷ்டித நோன்புகளை அந்த காலங்களில் செய்த நல்ல அமல்களை நீ ஏற்றுக்கொள் என்று மட்டும் கேட்போம். அவன் முடிவு செய்வான் யாருடைய நோன்பை ஏற்றுக் கொள்வது. மற்றப்படி பெருநாள் என்பது செல்வம் செல்வாக்கு உள்ளவர்களுக்கு அது வேறு படும். ஏழைகள் எப்போதும் பெருநாளுக்காக ஏங்கியே இருப்பார்கள். அவர்கள் நன்கு உடுத்து உண்டு வாழும் நாள்தான் அவர்களுக்கு பெருநாள். அந்த வாய்ப்பை அவர்களுக்கு நாம் ஏற்படுத்திக் கொடுப்போம். அதன் மூலம் நமது பெருநாள்கள் சிறப்பாக அமையும்.

வீணாக அலட்டிக் கொள்ளாதீர்கள். விமான சீட்டை பெற்று உடன் ஊர் புறப்பட்டு வாருங்கள். மனைவி மக்களுடன் உறவினர்களுடன் பெருநாளை சிறப்பாக கொண்டாடுங்கள். அலை ஓயட்டும் என்று காத்திருக்காதீர்கள். அலைகள் ஓய்வதில்லை பிரச்சினைகள் தீர்வதில்லை. மாற்றம் ஒன்றுதான் மாறாதது. நிதர்சனங்களை ஏற்றுக் கொள்ள ஜீரணித்துக் கொள்ள பழகிக் கொள்ளுங்கள்.

மனசே ரிலாக்ஸ் ப்ளீஸ்.

ஈத் முபாரக்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

5. Re:...
posted by velli siddiq (riyadh) [16 July 2015]
IP: 89.*.*.*

Saudi Arabia | Comment Reference Number: 41357

Kind request to kayal web site, clearly mention south pacific sea area & south America july 16 magraib time, kayal time cross july 17 fajr.

ஜூலை 16 அன்று வெறுங்கண்கள் கொண்டு - தென் பசிபிக் கடல் பகுதிகள் எளிதாகவும், தென் அமெரிக்க கண்டத்தின் மத்திய மற்றும் தெற்கு பகுதிகளில் வானிலை சூழல் தெளிவாக இருந்தால், எளிதாகவும் பிறையை காணலாம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்