{ முகநூல் கருத்துக்கள்}{ட்விட்டர் கருத்துக்கள்}

காயல் ஆன் தி வெப் இணையதள சேவைகள் - 1998ம் ஆண்டு, டிசம்பர் 20 அன்று துவங்கின. இச்சேவைகள் துவங்கி - இரண்டு ஆண்டுகள் கழித்து - டிசம்பர் 9, 2000 முதல் - தமிழில் செய்திகள் இணையதளத்தில் வெளியிடப்பட்டு வருகின்றன.

கடந்த பதினைந்து ஆண்டுகளாக வெளியிடப்படும் செய்திகளை - செய்திகளை தேதி வாரியாக தேட என்ற சேவை மூலம் காணலாம். இது தவிர, செய்திகள் ஆங்கில வழி (TAG) தேடல், குறியீடு எண்கள் (ID #) வழி தேடல், காயல்பட்டணம்.காம் இணையதள பக்கங்கள் தமிழ் வழி தேடல் - போன்ற வசதிகள் மூலமும், பழைய செய்திகளை காணலாம்.

மேலும் - இன்றைய தினத்தில், கடந்த ஆண்டுகளில் வெளியான செய்திகளை - வரலாற்றில் இன்று என்ற பக்கத்தில் காணலாம். இந்த பக்கம், இது காலம் வரை - இந்த நாள், அந்த ஆண்டு என்ற பெயரில் அழைக்கப்பட்டு வந்தது.

மார்ச் 1, 2011 அன்று காயல்பட்டணம்.காம் இணையதளத்தில் வெளியான செய்தி [செய்தி எண்: 5741]

செவ்வாய், மார்ச் 1, 2011
தமிழக சட்டசபை தேர்தல் தேதி அறிவிப்பு! ஏப்ரல் 13 அன்று நடைபெறும்!!
செய்தி: காயல்பட்டணம்.காம்

தமிழகம் உட்பட ஐந்து மாநிலங்களுக்கான சட்டசபை தேர்தல் தேதிகள் அறிவிக்கப்பட்டுள்ளன. மத்திய தேர்தல் ஆணையம் தலைவர் எஸ்.ஒய்.குரைஷி புது டில்லியில் இந்த அறிவிப்பினை இன்று வெளியிட்டார்.

அதன்படி சட்டசபைக்கான தேர்தல் தமிழகத்தில், புதுச்சேரியில், கேரளாவில் ஏப்ரல் 13 அன்றும், அஸ்ஸாமில் ஏப்ரல் 4 மற்றும் ஏப்ரல் 11 அன்றும், மேற்கு வங்காளத்தில் ஏப்ரல் 18, ஏப்ரல் 23, ஏப்ரல் 27, மே 3, மே 7, மே 10 அன்றும் நடைபெறும்.

மே 13 அன்று அனைத்து மாநிலங்களிலும் வாக்கு எண்ணிக்கை நடைபெறும்.

தமிழகத்தில் மொத்தம் 234 தொகுதிகள் உள்ளன. 4.59 கோடி வாக்காளர்கள், ஏறத்தாழ 54,000 வாக்குச்சாவடிகளில் தங்கள் வாக்கினை வழங்குவர். தேர்தல் குறித்த முறையான அறிவிப்பு மார்ச் 19 அன்று வெளியிடப்படும்.