{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் இளைஞர் ஐக்கிய முன்னணி (YUF) சார்பில், ஆண்டுதோறும் ரமழான் 27ஆம் நாளன்று நள்ளிரவில் திக்ர் மஜ்லிஸ் மற்றும் மார்க்க சொற்பொழிவு நிகழ்ச்சி நடத்தப்படுவது வழமை.

அந்த அடிப்படையில், இவ்வாண்டும் ரமழான் 27ஆம் நாளான 04.07.2016. திங்கட்கிழமை நள்ளிரவு 12.00 மணியளவில் ராத்திபத்துல் காதிரிய்யா திக்ர் மஜ்லிஸ், இளைஞர் ஐக்கிய முன்னணி வளாகத்தில், குருவித்துறைப் பள்ளியின் தலைமை இமாம் மவ்லவீ ஹாஃபிழ் எம்.எல்.முஹம்மத் அலீ ஃபைஜீ தலைமையில், ஹாஃபிழ் எஸ்.ஏ.முஹம்மத் இப்றாஹீம் அவ்லியா ஸாஹிப் முன்னிலையில் நடைபெற்றது.



ஹாஃபிழ் கே.எம்.முஹம்மத் இஸ்மாஈல் கிராஅத் ஓதினார். முஅஸ்கர் மகளிர் அரபிக் கல்லூரி, ஹாமிதிய்யா மார்க்கக் கல்வி நிறுவனம் ஆகியவற்றின் பேராசிரியர் மவ்லவீ ஏ.சுல்தான் அப்துல் காதிர் ரஹ்மானீ மார்க்க சொற்பொழிவாற்றினார்.







இளைஞர் ஐக்கிய முன்னணி செயலாளர் எஸ்.ஏ.கே.முஹ்யித்தீன் அப்துல் காதிர் நன்றி கூற, ஹாமிதிய்யா மார்க்கக் கல்வி நிறுவனத்தின் ஆசிரியர் மவ்லவீ ஹாஃபிழ் எம்.ஏ.ஹபீபுர்ரஹ்மான் மஹ்ழரீ துஆவுடன் நிகழ்ச்சிகள் நிறைவுற்றன. ஹாஃபிழ் பி.ஏ.முஹம்மத் உக்காஷா நிகழ்ச்சிகளை நெறிப்படுத்தினார்.

முன்னதாக, மாணவர் என்.எம்.இசட்.அஹ்மத் முஹ்யித்தீன் கிராஅத் ஓதி, திக்ர் மஜ்லிஸ் மற்றும் மார்க்க சொற்பொழிவு நிகழ்ச்சிகளைத் துவக்கி வைத்தார்.

நிகழ்ச்சிகளனைத்திலும், குருவித்துறைப் பள்ளி மஹல்லா ஜமாஅத்தினர் உட்பட திரளான பொதுமக்கள் கலந்துகொண்டனர்.

நிகழ்ச்சி ஏற்பாடுகளை, இளைஞர் ஐக்கிய முன்னணியின் மூத்த நிர்வாகி எஸ்.இ.முஹம்மத் அலீ ஸாஹிப் (டீ.எம்.) எம்.எஸ்.பி.முஹம்மத் இஸ்மாஈல் உள்ளிட்டோர் ஒருங்கிணைப்பில் அங்கத்தினர் செய்திருந்தனர்.



இளைஞர் ஐக்கிய முன்னணி சார்பில் கடந்தாண்டு (ஹிஜ்ரீ 1436) ரமழான் 27ஆம் நாளன்று நடத்தப்பட்ட சிறப்பு நிகழ்ச்சி குறித்த செய்தியைக் காண இங்கே சொடுக்குக!

இளைஞர் ஐக்கிய முன்னணி தொடர்பான முந்தைய செய்தியைக் காண இங்கே சொடுக்குக!