{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் புறவழிச் சாலையில் ஆறுமுகநேரி சந்திப்பிற்கு அருகில், பூமிக்கடியில் பதிக்கப்பட்டிருந்த குடிநீர் வினியோகக் குழாய் ஒன்றில் நேற்று (22.11.2016.) உடைப்பு ஏற்பட்டு, விருந்தாளியை வரவேற்பது போன்று குடிநீர் பீறிட்டுப் பாய்ந்தது.

அவ்வழியே வாகனத்தில் கடந்து சென்ற சமூக ஆர்வலர்கள் சிலர் இதுகுறித்து, காயல்பட்டணம்.காம் இணையதளத்திற்குத் தகவல் தெரிவித்ததையடுத்து, நகராட்சி குடிநீர் வினியோகக் குழாய் பொருத்துநருக்குத் தொடர்புகொண்டு இதுகுறித்து தகவல் தெரிவிக்கப்பட்டது.

உடைப்பெடுத்த அக்குழாய் காயல்பட்டினத்திற்கான வினியோகக் குழாய் அல்ல; ஆறுமுகநேரிக்கானது என்றும், அதுகுறித்து, அந்த ஊரின் பேரூராட்சிக்குத் தகவல் தெரிவிக்கப்பட்டுள்ளதாகவும் - பொருத்துநர் நிஸார் கூறினார்.

தகவல்:
M.A.புகாரீ (48) & ஜாஃபர்

படம்:
A.A.C.ஃபஸல்