{ முகநூல் கருத்துக்கள்}{ட்விட்டர் கருத்துக்கள்}

சஊதி அரபிய்யா, ரியாத் காயல் நல மன்றத்தின் குளிர்கால பொதுக்குழுக் கூட்டம் & குடும்ப சங்கம நிகழ்ச்சி, 09.12.2016. வெள்ளிக்கிழமையன்று நடைபெறவுள்ளது. இதில் பங்கேற்போருள் சிலர் குலுக்கல் முறையில் தேர்ந்தெடுக்கப்பட்டு, அவர்களுக்கு தங்க நாணயங்கள் பரிசு வழங்கப்படவுள்ளதாகவும் அறிவிக்கப்பட்டுள்ளது.

இதுகுறித்து, ரியாத் காயல் நல மன்ற செயலாளர் ஒய்.ஏ.எஸ்.ஹபீப் முஹம்மத் முஹ்ஸின் வெளியிட்டுள்ள அறிக்கை:- அஸ்ஸலாமு அலைக்கும் வரஹ்...

இன்ஷா அல்லாஹ் வரும் டிசம்பர் 9ம் தேதி வெள்ளிக்கிழமை அன்று ரியாத் காயல் நல மன்றத்தின் 53 வது பொதுக்குழுக் கூட்டம் ரியாத் EXIT 16 இல் (சுலை- NEAR NADEC SIGNAL) உள்ள இஸ்திராஹ அல் கும்மாவில் காலை 11 மணி முதல் இரவு 7.30 மணி வரை நடைபெறும் என்பதை பெருமகிழ்ச்சியுடன் தெரிவித்துக் கொள்கிறோம்.



இந்தப் பொதுக்குழுக் கூட்டத்தில், காலை, மாலை தேனீர் , மதியம் மற்றும் இரவு உணவும் ஏற்பாடு செய்யப்பட்டுள்ளது , மேலும் சிறியவர்கள் , பெரியவர்கள் மற்றும் பெண்களுக்கான விளையாட்டு மற்றும் அறிவு திறன் போட்டிகள் நடத்தவும் ஏற்பாடு செய்யப்பட்டுள்ளது. நீச்சல் குளம் வசதியும் உள்ளது இக்கூட்டத்திற்கு முற்கூட்டியே வருகை புரிவோரை ஊக்குவிக்கும் பொருட்டு கூட்ட நிகழ்விடத்திற்கு காலை 11.00 மணிக்குள் வருவோருக்கு, ஆண்கள், பெண்கள் என தனி தனியாக குழுக்கள் முறையில் தங்க நாணயங்கள் பரிசாக வழங்கப்படும். இந்த நிகழ்வில் தாங்களும் கலந்து கொள்ளுவதோடு தங்களுக்கு தெரிந்த காயல் நண்பர்களையும் அழைத்து வருமாறு வேண்டிகொள்கிறோம்.

பத்ஹா.. லக்கி , R.T. ரெஸ்டாரண்ட் அருகில் இருந்து வாகன வசதி ஏற்பாடு செய்யப்பட்டுள்ளது. சரியாக காலை 9.00 மணிக்கு முதல் வாகனமும், 10.00 மணிக்கு இரண்டாவது வாகனமும் அங்கிருந்து புறப்படும். இரவு மீண்டும் பத்ஹா வில் விடப்படும். வாகனம் சம்பந்தமாக சகோ முஹ்ஸின் மற்றும் சகோ சித்திக் அவர்களை முறையே 056 403 5113 ,050 889 6723 என்ற எண்ணிலும் , இஸ்திராஹ (LOCATION) சம்பந்தமாக சகோ. நூஹ் மற்றும் சகோ. அபூபக்கர் அவர்களை முறையே 056 847 7484, 050 318 8841 என்ற அலைபேசி எண்ணிலும் தொடர்பு கொள்ளும்படி கேட்டுக்கொள்கிறோம்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல் & படம்:
ரியாத் கா.ந.மன்றத்திற்காக, ரியாதிலிருந்து...
M.N.முஹம்மத் ஹஸன்