காயல்பட்டினம் தைக்கா தெருவிலுள்ள மஹான் தைக்கா ஸாஹிப் அப்பா தர்ஹாவில், 14.11.2016. திங்கட்கிழமையன்று, 167ஆம் ஆண்டு கந்தூரி வைபவம் நடைபெற்றது.



ஸஃபர் 01ஆம் நாளன்று கொடியேற்றத்துடன் துவங்கி, அன்று முதல் ஸஃபர் 13ஆம் நாள் வரை அதிகாலையில் கத்முல் குர்ஆன் ஓதி தமாம் செய்யப்பட்டதோடு, வித்ரிய்யா - மவ்லித் - புர்தா மஜ்லிஸ்களும் நடைபெற்றன.

கந்தூரி நாளன்று காலையில் வழமை போல கத்முல் குர்ஆன், வித்ரிய்யா நிகழ்ச்சிகள் நடைபெற்றன. அன்று மாலையில் கந்தூரி நிகழ்ச்சிகள் நடைபெற்றன. இரவு திக்ர் மஜ்லிஸும், அதனைத் தொடர்ந்து மஹான் அவர்களின் வாழ்க்கை சரித சொற்பொழிவும் நடைபெற்றன. இலங்கை காலி மாவட்டம் வெலிகம மவ்லவீ செய்யித் ஸாலிஹ் அலவி மவ்லானா அல்முர்ஷீ சொற்பொழிவாற்றியதோடு, சிறப்புப் பிரார்த்தனையும் செய்தார்.





கந்தூரியை முன்னிட்டு, அலங்கரிக்கப்பட்ட சிறார் பல்லக்கில் அமர்த்தப்பட்டு, தஃப்ஸ் முழங்க நகர்வலமாக அழைத்துச் செல்லப்பட்டனர். மறுநாள் – 15.11.2016. அன்று அதிகாலையில், நேர்ச்சை வினியோகம் நடைபெற்றது.

அனைத்து நிகழ்ச்சிகளிலும் திரளான பொதுமக்கள் கலந்துகொண்டனர். பெண்களுக்கு தனியிட வசதி செய்யப்பட்டிருந்தது.

தகவல் & படங்கள்:
A.S.அஷ்ரஃப்