{ முகநூல் கருத்துக்கள்}{ட்விட்டர் கருத்துக்கள்}

ஈரோடு மாவட்டம் – கவுந்தப்பாடியில், இம்மாதம் 14, 15 ஆகிய இரண்டு நாட்களில் நடைபெற்ற – 64 அணிகள் பங்கேற்ற ஐவர் கால்பந்துப் போட்டியில் காயல்பட்டினம் பரிமார் ஸ்போர்ட்ஸ் க்ளப் அணி வெற்றி பெற்றுள்ளது.

முதல் சுற்றில் FUFU (A) அணியையும், இரண்டாவது சுற்றில் அல்அமீன் அணியையும், மூன்றாவது சுற்றில் FUFU (B) அணியையும் வென்று காலிறுதிக்குள் நுழைந்த பரிமார் அணி, டோல்பின் கால்பந்துக் கழக அணியைக் காலிறுதியில் 1-0 என்ற கோல் கணக்கிலும், அரையிறுதிப் போட்டியில் ரயில்வே கால்பந்துக் கழக அணியை டைப்ரேக்கர் முறையில் 4-3 என்ற கோல் கணக்கிலும் வென்று இறுதிப் போட்டிக்குள் நுழைந்தது.

இறுதிப் போட்டியில் மொடக்குறிச்சி கால்பந்துக் கழக அணியுடன் மோதி 1-1 என்ற கோல் கணக்கில் சமனில் ஆட்டம் முடிவுற, சமனுடைப்பு முறையில் 3-1 என்ற கோல் கணக்கில் வெற்றிபெற்றது.

வெற்றி பெற்ற பரிமார் ஸ்போர்ட்ஸ் க்ளப் அணிக்கு அப்பகுதி அதிமுக செயலாளர் ப்ரசாத்தும், இரண்டாமிடம் பெற்ற அணிக்கு வெங்கடாச்சலமும் பரிசுகளை வழங்கினர்.





இத்தகவலை, பரிமார் ஸ்போர்ட்ஸ் க்ளப் தலைவர் எஸ்.என்.முஹம்மத் அலீ தெரிவித்துள்ளார்.