{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் இளைஞர் ஐக்கிய முன்னணி (YUF) விளையாட்டுத் துறை சார்பில், சிறுவர்களுக்கான இறகுப் பந்து (Badminton – Shuttle Cock) சுற்றுப் போட்டி 01.11.2017. முதல் 24.11.2017. வரை, ஈக்கியப்பா தைக்கா மைதானத்தில் நடைபெற்றது. இதில் 12 வீரர்கள் கலந்துகொண்டனர்.



24.11.2017. அன்று 17.00 மணிக்கு நடைபெற்ற இறுதிப் போட்டியில் களம் கண்ட ஜெ.எஸ்.முஹம்மத் முஸ்தஃபா அதிக புள்ளிகள் பெற்று முதலிடத்தையும், எஸ்.டீ.அஹ்மத் இப்றாஹீம் இரண்டாமிடத்தையும் பெற்றனர். ஹாஃபிழ் எம்.யு.முஹம்மத் ஸுலைமான் போட்டி நடுவராகப் பணியாற்றினார்.

பின்னர் நடைபெற்ற பரிசளிப்பு விழாவிற்கு, இளைஞர் ஐக்கிய முன்னணி செயலாளர் எஸ்.ஏ.கே.முஹ்யித்தீன் அப்துல் காதிர் தலைமை தாங்கினார். அதன் விளையாட்டுத் துறை செயலாளர் ‘JAS’ அப்துல் ஹலீம் - சிறப்பிடங்களைப் பெற்ற வீரர்களுக்குப் பரிசுகளை வழங்கினார்.



சுற்றுப் போட்டி ஏற்பாடுகளை எஸ்.ஷாஃபிஈ, ஹாஃபிழ் அபூபக்கர் ஸித்தீக், புகாரீ ஃபவாஸ் ஆகியோர் செய்திருந்தனர்.