{ முகநூல் கருத்துக்கள்}{ட்விட்டர் கருத்துக்கள்}

நிகழும் ரமழான் மாதத்தை முன்னிட்டு, சஊதி அரபிய்யா – ரியாத் காயல் நல மன்றம் சார்பில், காயல்பட்டினத்தைச் சேர்ந்த – பொருளாதாரத்தில் நலிவுற்றுள்ள குடும்பங்களுக்கு அத்தியாவசிய சமையல் பொருளுதவி வழங்கவும், வரும் நோன்புப் பெருநாளன்று நாட்டுக்கோழி இறைச்சி வழங்கவும் ஏற்பாடு செய்யப்பட்டுள்ளது. இதுகுறித்த செய்தியறிக்கை:-

சிறப்பான ரஜப் மாதத்தை அடையும் பாக்கியத்தை தந்த வல்ல ரஹ்மான், இன்ஷா அல்லாஹ் புனித மிகு ரமலான் மாதத்தை அடைந்து நற்கருமங்கள் செய்யும் நற்பேற்றினையும் நம் யாவர்க்கும் தந்து அருள்பாலிப்பானாக ஆமீன்.



ரியாத் காயல் நல மன்றம் சார்பில், கடந்த ஏழு (07) வருடங்களாக புனித ரமழான் மாதத்தை முன்னிட்டு ஏராளமான ஏழைக் குடும்பங்களுக்கு உணவுப் பொருட்கள் வழங்கிடும் திட்டம் சிறப்பாக செயல்படுத்தப்பட்டு வருகின்றது. இந்த திட்டத்தின் கீழ் நடப்பாண்டும் (2019) ரமழான் (1440H) நோன்பை முன்னிட்டு ரியாத் காயல் நல மன்றத்தின் சார்பில் ஏழைக் குடும்பத்திற்கு உணவுப் பொருட்கள் விநியோகம் செய்ய கடந்த செயற்குழுவில் தீர்மானிக்கப்பட்டது. அத்துடன் பெருநாளை முன்னிட்டு இவர்கள் அனைவருக்கும் நாட்டுக்கோழி ஒன்று வழங்கிடவும் தீர்மானிக்கப்பட்டது.

இதற்கான ஒருங்கிணைப்புப் பணிகளை மேற்கொள்ள எம் மன்றத்தின் செயற்குழு உறுப்பினர்கள் சகோதரர் SB முஹம்மது முஹைதீன் மற்றும் சகோதரர் அபூபக்கர் சித்தீக் ஆகியோர் நியமிக்கப்பட்டுள்ளனர்.

இந்த நற்காரியத்திற்கு வழமைப்போல் எம்மன்றத்தின் செயற்குழு உறுப்பினர்கள் அனைவரும் தலா ஒரு குடும்பத்திக்கு நிர்ணயித்த முழுத்தொகையை தர சம்மதம் தெரிவித்து உள்ளார்கள் அல்ஹம்துலில்லாஹ். பொதுக்குழு உறுப்பினர்கள் தங்களின் பங்களிப்பை தனியாகவோ அல்லது நண்பர்களுடன் இணைந்து கூட்டாகவோ வழங்குமாறு கேட்டுக் கொள்ளப்படுகிறார்கள். நிர்ணயம் செய்யப்பட ஒரு குடும்பத்திற்கான தொகை தனி நபர் பங்களிப்பாக வழங்கும் பட்சத்தில், அவர்கள் விரும்பும் பயனாளிக்கு உணவு பொருட்கள் வழங்கப்படும். மேலும் தாங்கள் வழங்கும் பயனாளி ஏற்கனவே மற்ற மன்றங்களின் பட்டியலில் இடம்பெறும் பட்சத்தில் மீண்டும் வேறொரு பயனாளியின் விபரம் உங்களிடம் வினவப்படும்.

கடந்த வருடங்களில் வழங்கிய பயனாளிகளின் எண்ணிக்கை கிழே தரப்பட்டுள்ளது. வருடம் பயனீட்டாளர்கள்

2012 - 52
2013 - 72
2014 - 81
2015 - 125
2016 - 178
2017 - 228
2018 - 303

பொதுகுழு உறுப்பினர்கள் தங்களின் பங்களிப்பை இன்ஷா அல்லாஹ் வரும் ஏப்ரல் மாதம் 10-ம் தேதிக்குள் இத்திட்டத்தின் பொறுப்பாளர்களாக நியமிக்கப்பட்டுள்ள சகோதரர் SB முஹம்மது முஹைதீன் ( +966 560787298;  mohideen_1977@yahoo.co.in) மற்றும் சகோதரர் அபூபக்கர் சித்தீக் (+966 572504018;  mmabu@yahoo.com) அவர்களை தொடர்பு கொண்டு பதிவு செய்து கொள்ளலாம்.

புனித மிகு ரமலான் மாதத்தில் நாம் செய்யும் இது போன்ற நல்ல காரியங்களை வல்ல ரஹ்மான் ஏற்று ஈருலகிலும் வெற்றியை தருவானாக அமீன்.

இவ்வாறு அந்த அறிக்கையில் தெரிவிக்கப்பட்டுள்ளது.

ரியாத் கா.ந.மன்றம் (RKWA) சார்பாக...
செய்தியாக்கம்:
தைக்கா ஸாஹிப்