Kayal on the Web

செய்திகள்

செய்தி எண் (ID #) 4772

#KOTW4772

சனி, செப்டம்பர் 18, 2010

திருநங்கை படுகொலை! நகரில் பரபரப்பு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 5303 முறை பார்க்கப்பட்டுள்ளது | வாசகர் கருத்துக்கள் காண (14) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் திருநங்கை ஒருவர் வெட்டிப் படுகொலை செய்யப்பட்ட சம்பவம் பரபரப்பை ஏற்படுத்தி உள்ளது. இதுகுறித்து காவல்துறையினர் விசாரணை நடத்தி வருகின்றனர்.

இப்படுகொலை குறித்து காவல்துறை தரப்பில் தெரிவிக்கப்படுவதாவது:-

காயல்பட்டினம் உச்சினிமாகாளி அம்மன் கோயில் தெருவைச் சேர்ந்தவர் பீர் முகம்மது மகன் சேக்அலி என்ற மின்னல் மீனா (40).

பணகுடி அருகே உள்ள வடக்கன்குளத்தைச் சேர்ந்த மின்னல் மீனா கடந்த 3 ஆண்டுகளாக காயல்பட்டினத்தில் வசித்து வந்தார். மின்னல் மீனா மாலை நேரத்தில் சேலை அணிந்துகொண்டு, கையில் வளையல், தலையில் பூ சகிதமாக காயல்பட்டினம் கடைவீதியில் வலம் வருவது வழக்கமாம்.

இந்நிலையில் கடந்த 3 ஆண்டுகளுக்கு முன்பு மர்யமாயிஷா என்ற பெண்ணை திருமணம் செய்து கொண்டாராம். இவர்களுக்கு 6 மாத மகன் உள்ளார்.

நேற்று காலை கீழநெய்னா தெருவில் உள்ள கலீஃபா அப்பா தைக்கா பள்ளியின் பின்புறம் உடலில் வெட்டுப்பட்டு இறந்து கிடந்தார். தோள் பட்டை மற்றும் கழுத்தில் வெட்டுக்காயம் இருந்துள்ளது.

இச்சம்பத்தை அறிந்தவுடன் திருச்செந்தூர் காவல்துறை துணை கண்காணிப்பாளர் அப்பாசாமி, ஆறுமுகநேரி காவல்துறை ஆய்வாளர் பார்த்திபன் ஆகியோர் சம்பவ இடத்திற்கு விரைந்து சென்று விசாரணை நடத்தினர்.

சம்பவ இடத்தை தூத்துக்குடி காவல்துறை கண்காணிப்பாளர் கபில்குமார் சரத்கர் பார்வையிட்டார். ஆறுமுகநேரி காவல்துறை துணை ஆய்வாளர் சபீதா வழக்கு பதிவு செய்தார். இவர் மீது, ஏற்கனவே பணகுடியில் பெண் வேடம் அணிந்து பல இடங்களில் திருடிய வழக்கு உள்ளது. மின்னல் மீனா எப்படி கொலை செய்யப்பட்டார்; எதற்காக கொலை செய்யப்பட்டார் என்று ஆறுமுகநேரி காவல்துறையினர் தீவிர விசாரணை நடத்தி வருகின்றனர்.

காயல்பட்டினத்தில் திருநங்கை ஒருவர் படுகொலை செய்யப்பட்ட சம்பவம் நேற்று பெரும் பரபரப்பை ஏற்படுத்தியது.

{TAGS} Murder Minnal 17.09.2010

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. padukolai
posted by nt.sadak (riyadh) [18 September 2010]
IP: 2.*.*.*