{ முகநூல் கருத்துக்கள்}{ட்விட்டர் கருத்துக்கள்}

நடப்பாண்டு புனித ஹஜ் பயணம் மேற்கொள்வோருக்காக, காயல்பட்டினம் ஜாவியா அரபிக்கல்லூரியில், வரும் 20.09.2010 திங்கட்கிழமையன்று ஹஜ் கிரியைகள் விளக்க நிகழ்ச்சிக்கு ஏற்பாடு செய்யப்பட்டுள்ளது.

அன்று காலை 9 மணி முதல் மதியம் 2 மணி வரை நடைபெறும் இந்நிகழ்ச்சியில், அனுபவமிக்க மார்க்க அறிஞர்களால் (உலமாக்களால்) ஹஜ் கிரியைகள் குறித்த விளக்க நிகழ்ச்சி நடத்தப்படவுள்ளது.

பெண்களுக்காக, ஆஸாத் தெருவிலுள்ள ஜரூக்குல் ஃபாஸீ பெண்கள் தைக்கா (நெய்னாப்பா தைக்கா)வில் இடவசதி செய்யப்பட்டுள்ளது.

இவ்வாண்டு புனித ஹஜ் பயணம் மேற்கொள்ளவிருப்போர் இவ்வரிய வாய்ப்பை தவறாமல் பயன்படுத்திக் கொள்ளுமாறும், இத்தகவலை இவ்வாண்டு ஹஜ் பயணம் மேற்கொள்ளவிருக்கும் தூத்துக்குடி மாவட்டத்தைச் சார்ந்த அனைத்து ஹாஜிகளுக்கும் தெரியப்படுத்தி, அவர்களையும் கலந்துகொள்ளச் செய்யுமாறும் ஜாவியா நிர்வாகம் சார்பில் கேட்டுக் கொள்ளப்பட்டுள்ளது.

இந்நிகழ்ச்சியை முன்னிட்டு, நடப்பாண்டு ஹஜ் பயணம் மேற்கொள்ளவுள்ள ஆண் – பெண் ஹாஜிகளுக்கு அன்று மதியம் விருந்துக்கு ஏற்பாடு செய்யப்பட்டுள்ளது.