{ முகநூல் கருத்துக்கள்}{ட்விட்டர் கருத்துக்கள்}

சஊதி அரபிய்யா - ரியாத் நகரில், தமிழ் பேசும் முஸ்லிம் குடும்பங்களுக்கான மாதாந்திர இஸ்லாமிய நிகழ்ச்சி, 05.11.2010 அன்று, ரியாதிலுள்ள இஸ்திராஹா சுலையில், ரியாத் ஏர் பேஸ் தஃவா நடுவம் சார்பில் நடத்தப்பட்டது.

காலை 12.00 மணிக்கு மவ்லவீ அப்துல்லாஹ் ஸலஃபீயின் ஜும்ஆ உரையுடன் நிகழ்ச்சி துவங்கியது. அதனைத் தொடர்ந்து, மவ்லவீ தஸ்தீக் சிற்றுரையாற்றினார்.





பின்னர் எழுவர் கால்பந்துப் போட்டி நடத்தப்பட்டது. அதன் பின்னர் அனைவருக்கும் மதிய உணவு பரிமாறப்பட்டது.



பெண்களுக்கென தனி நிகழ்ச்சி, தனியிடத்தில் நடத்தப்பட்டு, கேள்வித்தாள்கள் வழங்கப்பட்டது.

அஸ்ர் தொழுகைக்குப் பின் ஆண்-பெண்களுக்கான வினாடி-வினா போட்டி நடத்தப்பட்டது. 60 குடும்பங்கள் கலந்துகொண்ட இப்போட்டியில் காயல்பட்டினம் ஹவ்வா பஸரிய்யா மட்டுமே முழு மதிப்பெண்கள் பெற்று அதற்கான பரிசைத் தட்டிச் சென்றார்.

பின்னர் தர்பிய்யா பயிற்சி வகுப்பு நடைபெற்றது. மஃரிப் தொழுகைக்குப் பின் மவ்லவீ மஃப்ஹூம் பைஜீ உரையாற்றினார். அதனைத் தொடர்ந்து, கடந்த ரமழான் மாதத்தில் நடத்தப்பட்ட திருக்குர்ஆன் போட்டிகளில் வென்றோருக்கு பரிசுகள் வழங்கப்பட்டன. மவ்லவீ ளஃபருல்லாஹ் பஹ்ஜீயின் நன்றியுரையுடன் நிகழ்ச்சி நிறைவுற்றது.

தகவல்:
அபூஅஹ்மத் (சோனா),
ரியாத், சஊதி அரபிய்யா.