{ முகநூல் கருத்துக்கள்}{ட்விட்டர் கருத்துக்கள்}

கத்தார் நாட்டினை தலைமையகமாக கொண்டு செயல்படும் தொலைக்காட்சி நிறுவனம் அல்ஜசீரா. அது 1996 ஆம் ஆண்டு அரபு மொழியில் செய்தி சேவையை துவக்கியது. துவக்கிய சிறு காலத்திலேயே பலரின் கவனத்தையும் அது ஈர்த்தது.

அல்ஜசீரா - 10 ஆண்டுகள் கழித்து - 2006 ஆம் ஆண்டு, ஆங்கில செய்தி சேவையை துவக்கியது. டேவிட் ப்ராஸ்ட் உட்பட பல பிரபல ஆங்கில செய்தியாளர்கள் அல்ஜசீராவில் இணைந்தனர். அந்த ஆண்டே இந்தியாவிலும் தன் சேவையை வழங்க இந்திய அரசாங்கத்திடம் அல்ஜசீரா விண்ணப்பித்தது. இந்திய உள்துறை அமைச்சகத்தின் எதிர்ப்பு காரணமாக - 4 ஆண்டுகளாக முடிவு ஏதும் கொடுக்கப்படவில்லை.

இறுதியாக நேற்று அதற்கான உத்தரவினை இந்திய அரசாங்கம் வழங்கியது. அதன் தொடர்ச்சியாக அல்ஜசீரா ஆங்கிலச்செய்தி அலைவரிசை தன் சேவையை நேற்று மாலை முதல் இந்தியாவில் துவக்கியது.

அல்ஜசீரா இந்தியாவில் இலவச அலைவரிசையாக வழங்கப்படும். அடுத்து மாதம் - தன் வரவை இந்தியா முழுவதும் பிரபலப்படுத்தும் முகமாக - மிக பெரிய அளவில் விளம்பரங்கள் வெளியிட அல்ஜசீரா முடிவு செய்துள்ளது.

தகவல்:
தி ஹிந்து