{ முகநூல் கருத்துக்கள்}{ட்விட்டர் கருத்துக்கள்}

DCW தொழிற்சாலை

பாகம் - 1 <> 2 <> 3 <> 4 <> 5 <> 6 <> 7 <> 8 <> 9 <> 10 <> 11 <> 12 <> 13 <> 14 <> 15

பாகம் 7ல் நாம் கண்ட CMFRI அறிக்கையில் காயல்பட்டணம் கடல் சுற்றி Mercury கழிவு காணப்பட்டதாக தெரிவித்தது. அந்த Mercury - DCW இல் இருந்து வந்த கழிவில் இருந்ததாகவும் அவ்வறிக்கை தெரிவித்தது. DCW - இல் எதற்காக Mercury பயன்படுத்தப்படுகிறது?

DCW சாஹுபுரத்தில் இன்று பல இரசாயன பொருட்கள் தயாரிக்கப்படுகிறது. DCW முதலில் தயாரிக்க துவங்கிய பொருள் Caustic Soda ஆகும். Caustic Soda விற்கு மூல பொருள் உப்பு தண்ணீர் கலவை (Brine) ஆகும். Brine இலிருந்து Caustic Soda தயாரிக்க பொதுவாக மூன்று வழிகள் பயன்படுத்தப்படும்.

(1) Diaphragm Process
(2) Mercury Cell Process
(3) Membrane Cell Process

இதில் DCW துவக்கத்திலிருந்து பயன்படுத்திய முறை Mercury Cell முறை. இம்முறையில் நச்சு தன்மை கொண்ட Mercury கழிவாக வெளியாகும்.

Mercury Cell முறை ...



Mercury இன் ஆபத்துகள் உணரப்பட்டு Membrane Cell முறைக்கு பல தொழிற்சாலைகள் படிப்படியாக மாறின. இந்திய அரசாங்கம் 1980 களிலேயே - புதிய தொழிற்ச்சாலைகள் Mercury Cell முறையில் அனுமதிக்கப்படாது என அறிவித்தது. இருப்பினும் - ஏற்கனவே அம்முறையை பயன்படுத்திக்கொண்டிருக்கும் தொழிற்ச்சாலைகள் Membrane Cell முறைக்கு மாற எந்த காலக்கெடும் அரசாங்கம் விதிக்கவில்லை.

1959 ஆம் ஆண்டு சாஹுபுரத்தில் தன் உற்பத்தியை துவக்கிய DCW - 48 ஆண்டுகள் கழித்து டிசம்பர் 2007 இல் Mercury Cell முறையில் இருந்து Membrane முறைக்கு மாறியது.

Membrane Cell முறை ...



மாசு ஏற்படுத்தும் தொழிற்ச்சாலைகள் நிறுவப்படும்போது அல்லது ஏற்கனவே இயங்கிவரும் தொழிற்சாலைகள் விரிவாக்கம்/மாற்றம் செய்யப்படும்போதோ அதன் விளைவுகளை சந்திக்கும் மக்களின் கருத்து (Public Hearing) கேட்கப்படவேண்டும். DCW உடைய முறைமாற்றம் (Mercury to Membrane), Caustic Soda உற்பத்தி அளவு அதிகரிப்பு (175 டன்னிலிருந்து 283 டன்னுக்கு) போன்ற திட்டங்களுக்கான மக்கள் சந்திப்பு நிகழ்ச்சி தூத்துக்குடியில் செப்டம்பர் 14, 2006 - அன்று நடந்தது.

[தொடரும்]

DCW தொழிற்சாலை

பாகம் - 1 <> 2 <> 3 <> 4 <> 5 <> 6 <> 7 <> 8 <> 9 <> 10 <> 11 <> 12 <> 13 <> 14 <> 15

காயல்பட்டணத்தில் புற்று நோயை எதிர்கொள்வது எப்படி?

பாகம் - 1 <> 2 <> 3 <> 4 <> 5 <> 6 <> 7