{ முகநூல் கருத்துக்கள்}{ட்விட்டர் கருத்துக்கள்}

ஐக்கிய அரபு அமீரக காயல் நல மன்றம் சார்பில் விரைவில் வெளியிடப்படவுள்ள சிறப்பு மலரில் இடம்பெறச் செய்வதற்காக அனுப்பப்படும் படைப்புகளில் மலர்க்குழுவால் தேர்ந்தெடுக்கப்படும் சிறந்த படைப்புகளுக்கு பணமுடிப்பு வழங்கப்படும் என மலர்க்குழுவின் சார்பில் அறிவிக்கப்பட்டுள்ளது.

இதுகுறித்து, மலர்க்குழு ஒருங்கிணைப்பாளர் சாளை ஷேக் ஸலீம் வெளியிட்டுள்ள அறிக்கை பின்வருமாறு:-

அன்புள்ளம் கொண்ட காயலர்க்கு, அஸ்ஸலாமுஅலைக்கும்.

அமீரக காயல் நல மன்றத்தின் சார்பில் விரைவில் வெளிவரவிருக்கும் சிறப்பு மலர் குறித்த செய்திகள் யாவும் தாங்கள் அறிந்ததே!

சமூகத்தின் அனைத்துப் பிரிவினரும், kayaluae.souvenir@gmail.com என்ற மின்னஞ்சல் முகவரிக்கு தத்தம் படைப்புகளை அனுப்பத் துவங்கி விட்டனர் என்பதனை அறிவிப்பதில் பெருமகிழ்ச்சி அடைகின்றேன்.

நேர்த்தியும், தரமும் வாய்ந்த மலர் உருவாக்கத்தின் ஆரம்பப்பணிகள் துவங்கிவிட்ட நிலையில், தங்களது மேலான படைப்புகளை மாத்திரமன்றி, மலர் மென்மேலும் மணம் வீச, அன்பான ஆலோசனைகளையும் மேற்கண்ட மின்னஞ்சல் முகவரிக்கே அனுப்பித்தர வேண்டுகிறேன்.

பிரசுரத்திற்குத் தகுதிபெறும் படைப்புகளில், மலர்க்குழுவால் தேர்ந்தெடுக்கப்படும் சிறந்த படைப்புகளுக்கு பணமுடிப்பு வழங்கப்படும் என்பதனையும், படைப்புகள் டிசம்பர் 31ஆம் தேதிக்குள் எம்மை வந்து சேர வேண்டும் என்பதனையும் மீண்டும் ஒருமுறை உங்கள் கவனத்திற்கு கொண்டுவர விரும்புகிறேன். அனைவருக்கும் எமது மலர்க்குழு சார்பில் நல்வாழ்த்துக்களைப் பதிவு செய்கிறேன்.

இவ்வாறு அவர் வெளியிட்டுள்ள அறிக்கையில் தெரிவித்துள்ளார்.

தகவல்:
கவிமகன் காதர்,
துணை ஒருங்கிணைப்பாளர்,
மலர்க்குழு, அமீரக காயல் நல மன்றம்,
துபை, ஐக்கிய அரபு அமீரகம்.