{ முகநூல் கருத்துக்கள்}{ட்விட்டர் கருத்துக்கள்}

பருப்பு, எண்ணெய் வகைகளில் கலப்படம் செய்து விற்கப்படுவதால் பொதுமக்கள் அக்மார்க் முத்திரை பதித்த பொருட்களையே வாங்கி பயன்படுத்துமாறு வேளாண்மை அதிகாரி வேண்டுகோள் விடுத்துள்ளார்.

இதுகுறித்து தூத்துக்குடி மாவட்ட வேளாண்மை துணை இயக்குநர் (வேளாண்மை வணிகம்) பொன்னுராஜ் வெளியிட்டுள்ள அறிக்கை:

தற்போது சந்தை மற்றும் கடைகளில் விற்பனை செய்யப்படும் உணவு பொருட்களில் பல்வேறு வகைகளில் கலப்படம் செய்யப்படுவதாக தெரியவந்தள்ளது. உதாரணமாக துவரம் பருப்பில் கேசரி பருப்பு கலக்கப்படுகிறது. இதனை வாங்கி பயன்படுத்துபவர்களுக்கு முடக்குவாதம் ஏற்பட வாய்ப்பு உள்ளது.

மேலும் எண்ணெய் வகைகளில் தரமற்ற விலை குறைந்த எண்ணெய் கலப்படம் செய்யப்படுகிறது. இதனால் பார்வைக்குறைவு, இருதய கோளாறு முதலியவை ஏற்பட அதிக வாய்ப்புள்ளது. மசாலா பொடிகளில் நிறத்தை கூட்டுவதற்காக செயற்கை வண்ணங்கள் கலப்பதால் வயிற்றுப்போக்கு மற்றும் வாத நோய் ஏற்படுகிறது. எனவே அக்மார்க் ஆய்வகத்தில் விஞ்ஞான முறையில் பரிசோதித்து அக்மார்க் தரச்சான்று வழங்கப்பட்டு அக்மார்க் அரசு முத்திரையுடன் கடைகளில் விற்பனைக்கு வரும் பொருட்களையே பொதுமக்கள் கேட்டு வாங்கி உபயோகிக்க கேட்டுக்கொள்கிறேன்.

இவ்வாறு அவர் தெரிவித்துள்ளார்.

தகவல்:
தினகரன்