{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் யூஃபா ஜூனியர்ஸ் விளையாட்டுக் கழகம் சார்பில், 25.12.2010 முதல், கால்பந்து சுற்றுப்போட்டிகள் நடத்தப்பட்டு வருகிறது.

29.12.2010 அன்றுநடைபெற்ற முதல் அரையிறுதி ஆட்டத்தில் காயல் யுனைட்டெட் அணியும், யூஃபா ஜூனியர்ஸ் அணியும் மோதின. ஆட்ட நேர இறுதி வரை இரு அணிகளும் தலா ஒரு கோல் அடித்து சமநிலையில் இருந்ததால், சமன்பிரிப்பு முறை கையாளப்பட்டது. அதில், காயல் யுனைட்டெட் அணி 2 கோல்கள் வித்தியாசத்தில் வெற்றிபெற்று, இறுதிப்போட்டிக்குத் தகுதி பெற்றுள்ளது.

இரண்டாவது அரையிறுதிப் போட்டியில் காலரி பேர்ட்ஸ் அணியும், திருநெல்வேலி அணியும் மோதின. ஆட்ட இறுதி வரை இரு அணிகளும் கோல் எதுவும் அடித்திராதிருந்த நிலையில், சமன்பிரிப்பு முறையில் காலரி பேர்ட்ஸ் அணி 2 கோல்கள் வித்தியாசத்தில் வென்று, இறுதிப்போட்டிக்குத் தகுதி பெற்றது.

இறுதிப்போட்டி 31.12.2010 அன்று நடைபெறவுள்ளது குறிப்பிடத்தக்கது.

தகவல்:
யூஃபா ஜூனியர்ஸ் சார்பாக,
எஸ்.பி.பி.புகாரீ,
காயல்பட்டினம்.