{ முகநூல் கருத்துக்கள்}{ட்விட்டர் கருத்துக்கள்}

இந்தியாவில் உள்ள மாசு கட்டுப்பாட்டு வாரியங்களின் கீழ் வரும் ஒவ்வொரு தொழிற்சாலையும், அவை துவக்கப்படும் போது துவக்க சம்பந்தம் என்ற Consent to Establish (CTE) ஆணையை மாநில மாசு கட்டுப்பாட்டு வாரியங்களிடம் இருந்து பெறவேண்டும். துவக்கப்பட்டப்பின் உற்பத்தியை துவக்க செயல்புரிய சம்பந்தம் என்ற Consent to Operate (CTO) ஆணையையும் பெற வேண்டும்.

காயல்பட்டினத்தின் வட எல்லையில் உள்ள DCW தொழிற்சாலையில் மூன்று பிரிவுகள் உள்ளன. அவை காஸ்டிக் சோடா உற்பத்தி பிரிவு, PVC உற்பத்தி பிரிவு மற்றும் மின்சார உற்பத்தி பிரிவு ஆகும். இவைகள் மாசு கட்டுப்பாடு வாரியத்திடம் இருந்து முறையாக ஆணைகள் பெற்றுள்ளதா என பிரபல சுற்றுப்புற சூழல் ஆர்வலரும், சென்னை Community Environmental Monitoring அமைப்பின் ஒருங்கிணைப்பாளருமான சுவேதா நாராயண் தகவல் அறியும் சட்டத்தின் கீழ் - தமிழ்நாடு மாசு கட்டுப்பாடு வாரியத்திடம் இருந்து வினவியிருந்தார்.

அது குறித்த மாசு கட்டுப்பாட்டு வாரியத்தின் தூத்துக்குடி மாவட்ட கிளை வழங்கியுள்ள பதில்களின் சாராம்சம் வருமாறு:-

காற்று மற்றும் நீர் சட்டங்களின் கீழ் காஸ்டிக் சோடா பிரிவுக்கு செயல்புரிய ஒப்புதல் ஆணை 5.5.2009 அன்று வழங்கப்பட்டது. அதன் செல்லுப்படி காலம் ஓர் ஆண்டாகும். அது போல் PVC பிரிவுக்கான செயல்புரிய ஒப்புதல் ஆணை 27.4.2007 அன்று வழங்கப்பட்டது. அதன் செல்லுப்படி காலம் ஓர் ஆண்டாகும். மின்சார உற்பத்தி பிரிவுக்கான செயல்புரிய ஒப்புதல் ஆணை 30.6.2008 அன்று வழங்கப்பட்டது. அதன் செல்லுப்படி காலமும் ஓர் ஆண்டாகும்.

செல்லுப்படிகாலங்களுக்கு பிறகு காஸ்டிக் சோடா பிரிவுக்கான செயல்புரிய சம்பந்தம் - Consent to Operate (CTO) - 22.6.2010 அன்று மீண்டும் புதுப்பிக்கப்பட்டது. அது 31.3.2011 வரை செல்லுப்படிதக்கது.

24.6.2009 மற்றும் 17.05.2010 ஆகிய இரு தேதிகளில் மின்சார உற்பத்தி பிரிவுக்கான செயல்புரிய ஒப்புதல் ஆணை Consent to Operate (CTO) புதுப்பிக்கப்பட்டுள்ளது. கடைசியாக பெற்ற ஆணை 31.3.2011 வரை செல்லுப்படிதக்கது.

ஆனால் PVC பிரிவு கடைசியாக 27.5.2008 அன்றே செயல்புரிய ஒப்புதல் ஆணை Consent to Operate (CTO) பெற்றுள்ளது. அது 31.3.2009 அன்று காலவிதியாகிவிட்டது. அதன் பிறகு ஒப்புதல் ஆணை மீண்டும் புதுப்பிக்கப்படவில்லை.



ஆகவே கடந்த இரு ஆண்டுகளுக்கு மேலாக DCW தொழிற்சாலையின் PVC பிரிவு ஒப்புதல் இன்றி செயல்பட்டு வருவதாக தெரிகிறது.

தகவல்:
www.dcwmonitor.com