IP: 188.*.*.* Saudi Arabia

பொதுவாக உலகக் கல்விக்கு நாம் கொடுக்கும் முக்கியத்துவத்தை மார்க்கக் கல்விக்குக் கொடுப்பதில்லை என்பது நிதர்சனமான உன்மை! பள்ளியில்(ஸ்கூல்) முதலாவது மாணவக்கு கிடைக்கும் பாராட்டும், புகழும், மார்க்கத்தைப் போதிக்கும் பள்ளியில் முதலாவதாக வரும் மாணவனுக்குக் கிடைப்பதில்லை!

கல்லூரியில் பட்டம் வாங்க கடினமாக உழைக்கும் நாம் நம் பிள்ளைகள் இம்மைக்கும், மறுமைக்கும் ஈடேற்றம் பெறச்செய்யும் உன்னதக் கல்வியாய் விளங்கும் ஒப்பற்றத் திருமறையை உள்ளத்தால் மனனம் செய்து “ஹாஃபிழ்” எனும் ஓர் பட்டத்தை வாங்கும்போது அந்நிகழ்ச்சியில் பங்கேற்கும் நல்லோரை நாம் விரல் விட்டு எண்ணிவிடலாம்!

வடிவேலுக்காக வந்த கூட்டத்தை வடிகட்டி பத்தில் ஒரு பங்காய் குறைத்தாலும் தேராது.

அயராத நல் உழைப்பால் அஸ்ஹரின் ஆசிரிய பெருமக்கள் உருவாக்கும் ஹாஃபிழ்களை வாழ்த்த வரும் சொற்ப நபர்களைத்தான் வருடா வருடம் காண்கின்றேன்.

இம்முறையேனும் சற்று நேரம் ஒதுக்கி இது போன்ற நிகழ்வுகளில் பங்கெடுத்து நாம் பயன்பெறுவோமாக! பட்டம் பெறும் ஹாஃபிழ்களுக்கும்,பாடுபட்ட ஆசிரியர்க்கும் என் மனமார்ந்த நல்வாழ்த்துக்கள்!!!