IP: 94.*.*.* Saudi Arabia

அன்பு நண்பர்களே....

வெண்கல குவளைக்குள் தலையை விட்ட பூனையை போல...

மாட்டின்வாலில் கட்டப்பட சர வெடியை போல.........

கழுதையின் வாலில் கட்டப்பட்ட தகர டப்பாவை போல.......

ஆட்டின் வாலில் கட்டப்பட்ட கொழுந்திலையை போல......

அம்மாவின் அகங்காரம், பிடிவாதம் என்ற வாலில் கருணாநிதியால் கட்டப்பட்டு இருக்கிறது இந்த சமசீர் கல்வி திட்டம். இதனை துப்பவும் முடியாமல் விழுங்கவும் தவிக்கும் அம்மாவின் நிலையோ ஐயோ..... பறிதாவம்.

கோர்ட் தீர்ப்பை எதிர் பார்க்கும் அம்மா.!!!

எட்டாத முந்திரிக்கு கொட்டாயி விட்டது போல......

பட்டிக்காட்டான் முட்டாயை பார்த்தது போல......

உச்ச நீதிமன்றம் அறிவித்துள்ள குழுவின் முடிவையும், கோர்ட் தீர்ப்பை எதிர் பார்த்து இருக்கும் அம்மா.

1 மற்றும் 6ஆம் வகுப்புகளுக்கான பாடப் புத்தகங்களில் செம்மொழி மாநாடு குறித்தோ, அதுபற்றிய இலட்சினைகள் இருந்தாலோ அதை தாள்கள் ஒட்டி மறைத்த பிறகு பாடங்கள் நடத்த அதிகாரிகளுக்கு ஆலோசனைகள் வழங்கப்பட்டுள்ளன.

என் யோசனை.... மறைக்க ஒரு பக்கம் அம்மாவின் போட்டோவும், மறு பக்கம் சசிகலாவின் போட்டோவும் போட்டால்.... போதும் மறைந்துவிடும்.

IP: 88.*.*.* Saudi Arabia

சட்டசபை எதிர்க்கட்சி தலைவர், இந்த முக்கியமான தருணத்தில் ஆதரவாகவும் பேசவில்லை, எதிராகவும் பேசவில்லை. ஆளும் கட்சி தவறு தவறை சுட்டிக்காட்டுவோம் என்ற வசனமெல்லாம் அடித்த புயலில் காணாமல் போகிவிட்டது.

IP: 86.*.*.* United Arab Emirates

பள்ளிமாணவ,மாணவியரின் காலமும்,மக்களின் வரிப்பணமும் விரயம் ஆவதை எண்ணி உண்மையிலேயே கவலைகொள்ளும் இதயங்களுடன் என்னையும் இணைத்துக்கொள்கிறேன்.அதே நேரத்தில், என்ன நிகழ்கிறது என்பதனை அறியாமலேயே, கருணாநிதி ஏதோ சாதித்துக் கிழித்து விட்டதைப்போலவும், அதனை ஜெயலலிதா தைக்க மறுப்பதைப் போலவும் அடுக்கு மொழியில் அளந்து விடுகின்ற நண்பர்கள், எனது இந்த கருத்துக்கு விளக்கம் அளிப்பார்கள் என்று நம்புகிறேன்.

கடந்த ஐந்தாண்டு காலமாக கருணாதி செயல்படுத்திய இலவச டிவி, ஒரு ரூபாய் அரிசி, காப்பீட்டுத் திட்டம், வீடு கட்டும் திட்டம், என்று ஒவ்வொன்றின் பின்னணியிலும் அவரது குடும்ப நலன் மாத்திரம்தான் இருந்தது என்று, எல்லா ஊடகங்களாலும் தோலுரித்து தொங்கவிடப்பட்ட கதை, கழுதை வாலில் கட்டிய தகர டப்பாவின் ஓசையாக காதில் ஒலித்துக்கொண்டே இருக்கிறது. சரி விஷயத்திற்கு வருவோம்!

சமச்சீர் கல்வி என்பது, சமூக ஆர்வலர்களின் இருபது ஆண்டு கால கோரிக்கை. தேர்தல் களத்தில் மக்களால் புறந்தள்ளப்படுவோம் என்பதனை நன்றாக உணர்ந்திருந்த கருணாநிதி, மக்களை திசைதிருப்ப தனது அரசின் அந்திம காலத்தில் கொண்டுவந்த திட்டம்தான் சமச்சீர்கல்வி.

முத்துக்குமரன் கமிட்டி பரிந்துரைத்த 109 விஷயத்தில்,வெறும் நான்கினை மாத்திரம் ஏற்றுக்கொண்டு, மற்றதைக்குறித்து கிஞ்சிற்றும் அக்கறையின்றி அள்ளித் தெளித்த அவசரகோலத்தில் கொண்டுவரப்படும் இத்திட்டத்தினால் தரமான கல்வியைத்தர முடியாத காரணத்தால், அதனை சீரமைத்து அடுத்த ஆண்டு முதல் செயல்படுத்த வேண்டும் என்பதுதான் தனது அரசின் கொள்கை என்று, ஜெயலலிதா சட்டமன்றத்திலும், நீதிமன்றத்திலும் கூறியுள்ளார்.

இதன் பின்னணியில் இருக்கும் நியாயத்தை உணர்ந்துகொண்ட நீதிமன்றம், அதே நேரத்தில் புதிய புத்தகம் கொண்டுவருவதால் ஏற்படும் கால விரயத்தையும் மனதிற்கொண்டு, ஒன்று மற்றும் ஆறாம் நிலைகளில் மாத்திரம் தற்போதைக்கு இதனை செயல்படுத்த அரசுக்கு உத்தரவிட்டுள்ளது.

இந்தத் திட்டத்தின் ஓட்டை உடைசல்களை பேராசிரியர் ஜவாஹிருல்லாஹ் போன்ற உறுப்பினர்கள் சபையில் விமர்சித்தபோது, முன்னாள் பள்ளிக் கல்வி அமைச்சர் தங்கம் தென்னரசு விக்கித்து, வாயடைத்துப் போய் இருந்ததை பத்திரிகைச் செய்திகள் படம்பிடித்துக் காட்டின.

சமச்சீர் கல்வி என்பது ஒன்றும் கருணாநிதி வீட்டுச் சொத்தல்ல! அது எண்ணற்ற சிந்தனையாளர்களின் கனவு. அது சரியான தருணத்தில், சரியான முறையில், மெய்ப்படும்.