{ முகநூல் கருத்துக்கள்}{ட்விட்டர் கருத்துக்கள்}

நடப்பு கல்வியாண்டில் வேலைவாய்ப்புக்காக அவரவர் பயின்ற பள்ளியிலேயே ஜூன் 20ஆம் தேதிக்குள் பதிவுசெய்தால், வேலைவாய்ப்பு அடையாள அட்டை வழங்கப்படும் என மாவட்ட வேலைவாய்ப்பு அலுவலர் தெரிவித்துள்ளார். இதுகுறித்து அவர் வெளியிட்டுள்ள அறிக்கை பின்வருமாறு:-

2010-2011ஆம் ஆண்டிற்கான பள்ளியிறுதி வகுப்பு கல்வித்தகுதி தேர்ச்சி பெற்ற சுமார் 26,000 மாணவர்களின் தகுதிகளை ஒரே நாளில் மாவட்ட வேலைவாய்ப்பு அலுவலகத்தில் பதிவு செய்யும்போது ஏற்படும் நெரிசல் மற்றும் கால விரயங்களைத் தவிர்க்கும் பொருட்டு அவரவர் பயின்ற பள்ளியிலேயே www.tnvelaivaaipuu.gov.in என்ற இணையதளம் வழி பதிவு செய்வதற்கான சிறப்பு ஏற்பாடுகள் கல்வித்துறை, வேலைவாய்ப்பு மற்றும் பயிற்சித் துறையினரால் மேற்கொள்ளப்பட்டுள்ளது.

இது தொடர்பாக, பள்ளி இறுதி வகுப்பு தேர்ச்சி பெற்ற மாணவர்கள் தங்களது குடும்ப அடையாள அட்டை நகலை 20.06.2011 தேதிக்குள் தாங்கள் பயின்ற பள்ளியில் ஒப்படைக்கும் பட்சத்தில், மதிப்பெண் சான்றிதழ் வழங்கும்போதே ஒரே பதிவுமூப்பில் (20.06.2011) வேலைவாய்ப்பு அடையாள அட்டையும் வழங்கப்படும்.

இவ்வாறு அந்த அறிக்கையில் தெரிவிக்கப்பட்டுள்ளது.