{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் யூஃபா ஜூனியர்ஸ் விளையாட்டுக் கழகத்தின் சார்பில் 06ஆம் ஆண்டு கால்பந்துப் போட்டி காயல்பட்டினம் ஐக்கிய விளையாட்டு சங்க மைதானத்தில் நடைபெற்று வருகிறது.

முதல் நாள் நடைபெற்ற போட்டியில், எல்.கே. சாக்கர் அணியும், கே-யுனைட்டெட் அணியும் மோதின. இப்போட்டியில், காயல்பட்டினம் நகரப் பிரமுகர் லேண்ட்மார்க் ஹாஜி ராவன்னா அபுல்ஹஸன் சிறப்பு விருந்தினராகப் பங்கேற்றார். அவருக்கு இரு அணி வீரர்களும் அறிமுகம் செய்து வைக்கப்பட்டனர்.



போட்டியின் நிறைவில், எல்.கே. சாக்கர் அணி 1-0 என்ற கோல் கணக்கில் வெற்றி பெற்று, அரையிறுதிக்குள் நுழைந்துள்ளது.

இரண்டாம் நாள் நடைபெற்ற போட்டியில் நெல்லை யூத் அணியும், டி.சி.டபிள்யு. அணியும் மோதின. இப்போட்டியில், இலங்கை காயல் நல மன்ற (காவாலங்கா) தலைவர் ஹாஜி எம்.எஸ்.ஷாஜஹான் சிறப்பு விருந்தினராகக் கலந்துகொண்டார். அவருக்கு, இரு அணி வீரர்களும் அறிமுகம் செய்து வைக்கப்பட்டனர்.



போட்டியின் நிறைவில், நெல்லை யூத் அணி, 3-0 என்ற கோல் கணக்கில் டி.சி.டபிள்யு. அணியை வென்று அரையிறுதிப் போட்டியில் விளையாட தகுதி பெற்றுள்ளது.

தகவல்:
S.B.B.புகாரீ