{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கடற்கரையில் சுமார் 60 வயது மதிக்கத்தக்க அடையாளம் தெரியாத ஆண் பிணம் கரை ஒதுங்கியது குறித்து காவல்துறையினர் விசாரணை நடத்தி வருகின்றனர். இதுகுறித்து காவல்துறை தரப்பில் கூறப்படுவதாவது:-



காயல்பட்டினம் கடற்கரையில் இன்று மாலை சுமார் 60 வயது மதிக்கத்தக்க ஆண் பிணம் கரை ஒதுங்கியது. வான நீல நிற கால் சட்டையும், ஊதா நிற அரைக் கை சட்டையும் அணிந்துள்ளார். இடது கையில் டைட்டன் வாட்ச் உள்ளது.

இந்நிகழ்வு குறித்து அறிந்த ஆறுமுகநேரி காவல்துறை துணை ஆய்வாளர் சண்முகவேல் நிகழ்விடம் இடத்திற்கு விரைந்து சென்று பிரேதத்தைக் கைப்பற்றி பிரேத பரிசோதனைக்காக அனுப்பி வைத்தார். புதுநிறம் கொண்ட அவர் யார், எந்த ஊரைச் சார்ந்தவர், கடற்கரையில் எப்படி பிணமாக ஒருங்கினார் என்பன குறித்து ஆறுமுகநேரி காவல்துறை ஆய்வாளர் டி.பார்த்திபன் விசாரணை நடத்தி வருகிறார்.