{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் யூஃபா ஜூனியர்ஸ் விளையாட்டுக் கழகத்தின் சார்பில் 06ஆம் ஆண்டு கால்பந்துப் போட்டி காயல்பட்டினம் ஐக்கிய விளையாட்டு சங்க மைதானத்தில் நடைபெற்று வருகிறது.

முதல் அரையிறுதிப்போட்டியில், யூஃபா ஜூனியர்ஸ் அணியும், எல்.கே.சாக்கர்ஸ் அணியும் மோதின. ஆட்ட நிறைவு வரை இரு அணிகளும் சமநிலையிலிருந்ததால், சமனுடைப்பு முறை கையாளப்பட்டது. இதில், யூஃபா ஜூனியர்ஸ் அணி 4-2 என்ற கோல் கணக்கில் எல்.கே.சாக்கர்ஸ் அணியை வென்று இறுதிப் போட்டியில் விளையாட தகுதி பெற்றது.

இரண்டாவது அரையிறுதிப் போட்டியில், நெல்லை யூத் அணியும், நாசரேத் மர்காஷிஸ் அணியும் மோதின. ஆட்ட நிறைவு வரை இரு அணிகளும் சமநிலையிலிருந்ததால், சமனுடைப்பு முறை கையாளப்பட்டது. இதில், நெல்லை யூத் அணி 5-4 என்ற கோல் கணக்கில் நாசரேத் மர்காஷிஸ் அணியை வென்று இறுதிப் போட்டிக்குள் நுழைந்தது.

இம்முடிவுகளைத் தொடர்ந்து, இன்று மாலை 05.00 மணிக்கு நடைபெறவுள்ள இறுதிப் போட்டியில், யூஃபா ஜூனியர்ஸ் அணியும், நெல்லை யூத் அணியும் மோதவுள்ளன.

தகவல்:
S.B.B.புகாரீ

[செய்தி திருத்தப்பட்டது @ 12:00/30.08.2012]