{ முகநூல் கருத்துக்கள்}{ட்விட்டர் கருத்துக்கள்}

அண்மையில் நடைபெற்றுள்ள பல்வேறு போட்டிகளில் காயல்பட்டினம் எல்.கே.மெட்ரிகுலேஷன் மேனிலைப்பள்ளி மாணவியர் பரிசுகளை வென்றுள்ளனர்.

25.08.2012 அன்று திருச்செந்தூர் காஞ்சி ஸ்ரீ சங்கரா மெட்ரிகுலேஷன் மேனிலைப்பள்ளியில் நடைபெற்ற - தூத்துக்குடி மாவட்ட வெள்ளி விழா போட்டிகளில், காயல்பட்டினம் எல்.கே.மெட்ரிகுலேஷன் மேனிலைப்பள்ளி மாணவியர் பல்வேறு போட்டிகளில் பங்கேற்றனர். அவர்களுள், 8ஆம் வகுப்பு பயிலும் மாணவி எம்.எஸ்.ஃபாத்திமா ஹமீதா - காகிதத்தைக் கொண்டு பொருட்கள் செய்யும் Patch Work (Collage) போட்டியில் முதலிடம் பெற்றுள்ளார்.

28.08.2012 அன்று தூத்துக்குடி ஹோலி க்ராஸ் பள்ளியில் நடைபெற்ற பல்வேறு போட்டிகளில் பங்கேற்ற இப்பள்ளி மாணவியருள், 8ஆம் வகுப்பு பயிலும் மாணவி எச்.எம்.ஷம்ஸ் குரைஷா - கவிதை எழுதும் போட்டியில் முதலிடமும், அதே வகுப்பில் பயிலும் மாணவி ஜெ.எஸ்.ஸிராஜ் முவஃப்ஃபிகா - ஆங்கில பேச்சுப் போட்டியில் மூன்றாமிடமும் பெற்றுள்ளார்.

அனைத்து போட்டிகளிலும் பங்கேற்ற மாணவியர் அனைவருக்கும் பங்கேற்பு சான்றிதழ்களும், ஆறுதல் பரிசுளும் வழங்கப்பட்டன.

24.08.2012 அன்று, தூத்துக்குடி ஹோலி க்ராஸ் பள்ளியில் நடைபெற்ற CROSA போட்டியில், எல்.கே.மெட்ரிகுலேஷன் மேனிலைப்பள்ளியின் 9ஆம் வகுப்பு மாணவி எம்.எஸ்.சூரிய ப்ரபா - இளம் விஞ்ஞானி இளநிலை போட்டியில் முதலிடம் பெற்றுள்ளார்.

பரிசு பெற்ற மாணவியர் அனைவரையும், பள்ளியின் தலைமையாசிரியை மீனா சேகர் மற்றும் ஆசிரியையர் பாராட்டினர்.