{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் 07ஆவது வார்டுக்குட்பட்ட கற்புடையார் பள்ளி வட்டம் பகுதியிலுள்ள குடிசைப் பகுதியில், 28.08.2012 அன்று மதியம் 02.45 மணியளவில் தீ விபத்து ஏற்பட்டது. இதில், ஜோபாய் (33) என்பவரின் வீடு முற்றிலும் எரிந்து சாம்பலானது.



ராஜேந்திரன் (30), கனிமலர் (40), ராஜ் (45), பி.ராஜ் (55) ஆகியோரின் குடிசை வீடுகளில் ஒரு பகுதி தீக்கிரையானது. இந்த தீ விபத்தில், சுமார் 2 லட்சம் மதிப்புள்ள பொருட்கள் எரிந்து சாம்பலானது.

தீ விபத்து குறித்து தகவல் தெரிவிக்கப்பட்டதையடுத்து, சிறிது நேரத்தில் நிகழ்விடம் வந்த தீயணைப்புப் படையினர் விரைந்து செயல்பட்டு தீயை அணைத்தனர்.

பாதிக்கப்பட்ட பகுதிகளை, காயல்பட்டினம் தென்பாகம் கிராம நிர்வாக அலுவலர் மைக்கேல் ராஜ் பார்வையிட்டார். 07ஆவது வார்டு நகர்மன்ற உறுப்பினர் ஜெ.அந்தோணி உடனிருந்தார்.