Kayal on the Web

செய்திகள்

செய்தி எண் (ID #) 9047

#KOTW9047

வெள்ளி, ஆகஸ்ட் 31, 2012

ஆத்தூர் குடிநீரேற்று நிலையத்திலிருந்து நாளை முதல் கூடுதல் குடிநீர் வினியோகம்!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2815 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

ஆத்தூர் குடிநீரேற்று நிலையத்திலிருந்து காயல்பட்டினம், ஆறுமுகநேரி, ஆத்தூர் மற்றும் திருச்செந்தூர் பகுதிகளுக்கு வினியோகிக்கப்படும் குடிநீர் அளவு செப்டம்பர் 01ஆம் தேதி (நாளை) முதல் அதிகரிக்கப்படுகிறது.

காயல்பட்டினம், ஆறுமுகநேரி, ஆத்தூர் மற்றும் திருச்செந்தூர் பகுதிகளுக்கு மேலாத்தூரில் உள்ள தமிழ்நாடு குடிநீர் வடிகால் வாரிய சுத்திகரிப்பு மற்றும் குடிநீரேற்று நிலையத்திலிருந்து பாதுகாக்கப்பட்ட குடிநீர் வினியோகம் செய்யப்படுகிறது.

அணைகளில் நீர் குறைவாக இருந்ததாலும் நீர் வரத்து முற்றிலும் பாதிக்கப்பட்டதாலும் இங்குள்ள குடிநீர் தேக்கத்திற்கு பத்து நாட்களுக்கும் மேலாக குடிநீர் சப்ளை இல்லாமலிருந்தது. அதனால் அங்குள்ள நீர்தேக்கத்திலுள்ள நீரை பகிர்ந்தே மேற்கண்ட பகுதிகளுக்கு அனுப்பப்பட்டது.வழக்கமாக வினியோகிக்கப்படும் அளவை விட 50 சதவீதத்திற்கும் குறைவாக நீர் வினியோகம் செய்யப்பட்டது. இதனால் பல்வேறு பகுதிகளில் குடிநீர் தட்டப்பாடு நிலவியது.

இந்நிலையில் செப்டம்பர் 01ஆம் தேதி முதல் மேற்கண்ட பகுதிகளுக்கு வினியோகிக்கப்படும் குடிநீர் அளவு அதிகரிக்கப்படுகிறது என மேலாத்தூர் குடிநீர் சுத்திகரிப்பு நிலைய பொறியாளர் பால சுப்பிரமணியன் இன்று மாலையில் தெரிவித்தார். அவர் மேலும் கூறியதாவது:-

காயல்பட்டினம் நகராட்சிக்கு 11 லட்சம் லிட்டர் வழங்கப்பட்டு வந்தது 12 லட்சம் லிட்டராக வழங்கப்படும். காயல்பட்டினம் பகுதிக்கு தட்டுப்பாடு இல்லாத நேரம் 23 லட்சம் லிட்டர் வழங்கப்பட்டது.

ஆறுமுகனேரி பேரூராட்சி பகுதிக்கு பத்து லட்சம் லிட்டர் குடிநீர் வினியோகம் செய்யப்பட்டு வந்தது சனிக்கிழமை முதல் 11 லட்சம் லிட்டராக வழங்கப்பட உள்ளது. ஆறுமுகனேரிக்கு குடிநீர் பிரச்சனை இல்லாத நிலையில் 21 லட்சம் லிட்டர் வழங்கப்பட்டது.

திருச்செந்தூர் பகுதிக்கு 15.4 லட்சம் வழங்கப்பட்டு வந்தது பற்றாக்குறையினால் வெள்ளிக்கிழமை வரை 7லட்சம் லிட்டரே வழங்கப்பட்டு வந்தது. சனிக்கிழமை முதல் 8 லட்சம் விட்டர் குடிநீர் வினியோகிக்கப்படும்.

ஆத்தூர் பேரூராட்சி மன்ற பகுதிக்கு முழு அளவாக 6.84 லட்சம் லிட்டர் வழங்கப்பட்டு வந்தது பற்றாக்குறையினால் வெள்ளிக்கிழமை வரை 3 லட்சம் லிட்டரே வினியோகம் செய்யப்பட்டது. சனிக்கிழமை முதல் 3.25 லட்சம் லிட்டர் குடிநீர் வினியோகம் செய்யப்படும் என்றார்.

தற்போது ஸ்ரீவைகுண்ட்ம் அணைக்கு தண்ணீர் திறந்து விடப்பட்டதால் குடிநீர் வினியோகத்தில் முன்னேற்றம் ஏற்பட்டுள்ளது. அணைக்கட்டுகள் பகுதியில் மழை பெய்து சுமார் 5 அடிக்கு மேல் கூடி, ஸ்ரீவைகுண்டம் அணையின் தென்காலில் தண்ணீர் திறந்து விடப்பட்டால் முழு அளவு குடிநீர் வினியோகம் செய்ய இயலும் என்றார் பொறியாளர் பாலசுப்பிரமணியன்.

{TAGS} drinking water supply twad engineer balasubramanian water scarcity

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. இறைவா...! வளம் தருவாய்...! நலம் பெறவே...அருள் புரிவாய்...!
posted by M.N.L.முஹம்மது ரபீக், ( புனித மக்கா. ) [31 August 2012]
IP: 212.*.*.*

Saudi Arabia | Comment Reference Number: 21624

அல்ஹம்ந்து லில்லாஹ்..! வல்லோனுக்கே எல்லாப் புகழும்...!இன்ஷா அல்லாஹ்! அந்த வல்லோனின் கருணையினால் வான் மேகம் கருத்திருண்டு வாகாய் மழை பொழிய, வளமான பூமிதனை நலமாக்கித் தந்தருள்வான். ஏகனிடம் ஏந்துவோம் எமது கைகளை...!!! -ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by P.S.ABDUL KADER (KAYAL PATNAM) [31 August 2012]
IP: 117.*.*.*

India | Comment Reference Number: 21629

நமதூர்க்கு குடிநீர் கூடுதலாக வந்தாலும், நகரமன்ற ஊழியர்கள் தவறுதலாக தண்ணீர் திருந்துவிடும் நேரம் நாளிரவு 12 மணிக்கு மேலாக இருக்குதே! பொதுமக்கள் யாரும் இதை கண்டு அறிந்து தட்டி கேட்க முன்வர கூடாதா? நகராச்சி வளாகத்தில் உள்ள தண்ணீர் தொட்டியை மற்றும் கூர்ந்து கவனிக்கவும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by NMZ.Ahamedmohideen (KAYALPATNAM) [31 August 2012]
IP: 117.*.*.*

India | Comment Reference Number: 21636

அல்ஹம்துலில்லாஹ் !இந்த அளவுக்காவது தண்ணீர் வர முயற்ச்சி மேற்கொண்ட அனைத்து நெஞ்சக்களுக்கும் உள்ளார்ந்த நன்றி !!!ஆனாலும் தண்ணீர் திருடர்கள் .....ஜாக்கிரதை !!!!!........

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. மழை வேண்டி பிரார்த்தனை
posted by HASBULLAH MACKIE (Dubai) [01 September 2012]
IP: 2.*.*.*

United Arab Emirates | Comment Reference Number: 21650

இந்த செய்தியின் மூலம் தெரிய வருவது என்ன வென்றால் மழை அதிகமாக பெய்தால்தான் தண்ணீர் கிடைக்கும் என்பது உறுதியாகிறது.. நாம் மழைக்கு வேண்டி அல்லாஹுவிடத்தில் பிரார்த்தித்தால் மட்டுமே அதிகம் தண்ணீர் கிடைக்கும்,

இதற்கு நாம் அதிகமாக பொது இடத்தில் அல்லது எல்லா பள்ளிகளிலும் மழைக்கு வேண்டி தொழுது பிரார்த்திப்பது அவசியம்..

அல்லாஹ்வுடைய ரஹ்மத் நம் அனைவர்கள் மீதும் வந்து சேரட்டுமாக ஆமீன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

5. Re:...
posted by Kader K.M (Dubai) [01 September 2012]
IP: 83.*.*.*

United Arab Emirates | Comment Reference Number: 21652

காயல்பட்டினம் நகராட்சிக்கு 11 லட்சம் லிட்டர் வழங்கப்பட்டு வந்தது 12 லட்சம் லிட்டராக வழங்கப்படும். காயல்பட்டினம் பகுதிக்கு தட்டுப்பாடு இல்லாத நேரம் 23 லட்சம் லிட்டர் வழங்கப்பட்டது.

ஆறுமுகனேரி பேரூராட்சி பகுதிக்கு பத்து லட்சம் லிட்டர் குடிநீர் வினியோகம் செய்யப்பட்டு வந்தது சனிக்கிழமை முதல் 11 லட்சம் லிட்டராக வழங்கப்பட உள்ளது. ஆறுமுகனேரிக்கு குடிநீர் பிரச்சனை இல்லாத நிலையில் 21 லட்சம் லிட்டர் வழங்கப்பட்டது.

திருச்செந்தூர் பகுதிக்கு 15.4 லட்சம் வழங்கப்பட்டு வந்தது பற்றாக்குறையினால் வெள்ளிக்கிழமை வரை 7லட்சம் லிட்டரே வழங்கப்பட்டு வந்தது. சனிக்கிழமை முதல் 8 லட்சம் விட்டர் குடிநீர் வினியோகிக்கப்படும். ( cut past )

01.03.2001- வரை மக்கள் தொகை ஆறுமுகநேரி - 24,856
01.03.2001- வரை மக்கள் தொகை திருசெந்தூர் - 29,581
01.03.2001- வரை மக்கள் தொகை கயல்பட்னம் -32,664
வழங்கப்படும் தண்ணீரின் அளவு மேலே குறிப்பிடபட்டுள்ளது! அதாவது மக்கள் தொகை குறைவாக உள்ள ஏரியாவிற்கு கூடுதல் தண்ணீரும், மக்கள் தொகை கூடுதலாக உள்ள ஏரியாவிற்கு குறைவான தண்ணீரும் வழங்கப்படுகின்றது!

மேலும் பேரூராட்சியான திருசெந்தூரில் ஒரு சில பகுதியில் 24 மணி நேரமும் குடி தண்ணீர் கிடைக்கின்றது!

மூன்றாம் நிலை நகராட்சிக்கு 'லாலி பாப்' !

இதற்கு ஒரே தீர்வு ஒவ்வரு வீட்டு பைப்பு லைனிலும் மீட்டர் பொறுத்த வேண்டும்! சராசரி ஒரு வீட்டிற்கு ஒரு குறிப்பிட அளவு நிர்ணயிக்க வேண்டும்! அதற்கு மேல் உபயோகம் செய்பவர்களுக்கு அபராதம் விதிக்க வேண்டும்! ( அதாவதுslaab system)

காரணம், அருமையான நிலத்தடி நீர் இருக்கும் வீட்டில் கூட துணி நனைப்பதர்க்கும், அசுத்தத்தை சுத்தம் செய்வதற்கும் குடி தண்ணீரை உபயோகம் செய்பவர்கள் இருக்கின்றார்கள் !

எனேவே அல்லாஹ்வை அஞ்சுவோம்!வீண் விரையம் செய்வதை தவிர்ப்போம்!