{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மற்றும் சுற்றுவட்டாரங்களில் வெயிலின் தாக்கத்தால் வெப்ப வானிலை பல மாதங்களாக நிலவி வருகிறது. இதனால் நிலத்தடி நீர் மட்டமும் குறைந்து வருகிறது. போதிய மழையின்மை காரணமாக காயல்பட்டினம் உள்ளிட்ட பல ஊர்களுக்கு குடிநீர் வினியோக அளவும் குறைக்கப்பட்டுள்ளது. இதன் காரணமாக மழை மீது பொதுமக்களின் எதிர்பார்ப்பு அதிகரித்துள்ளது.

இந்நிலையில், இன்று காயல்பட்டினம் அல்ஜாமிஉஸ் ஸகீர் - சிறிய குத்பா பள்ளியில், ஜும்ஆ தொழுகையின்போது மழை வேண்டி சிறப்புப் பிரார்த்தனை செய்யப்பட்டுள்ளது. ஜும்ஆ தொழுகையை வழிநடத்திய அப்பள்ளியின் கத்தீப் மவ்லவீ எஸ்.எம்.முஹம்மத் ஃபாரூக் அல்ஃபாஸீ, ஜும்ஆ தொழுகையில் - மழை வேண்டி குனூத் சிறப்புப் பிரார்த்தனை நடத்தினார்.

மழைப் பிரார்த்தனையை உள்ளடக்கிய இத்தொழுகையில் சுமார் ஆயிரம் பேர் வரை கலந்துகொண்டனர்.