{ முகநூல் கருத்துக்கள்}{ட்விட்டர் கருத்துக்கள்}

பள்ளி மாணவர்களுக்கு கால்பந்து விளையாட்டின் மீதான ஆர்வத்தை அதிகரிக்கவும், அவர்களிடையே புதைந்திருக்கும் விளையாட்டுத் திறனை வெளிக்கொணரும் நோக்குடனும், காயல்பட்டினம் ஐக்கிய விளையாட்டு சங்கம் சார்பில், யுனைட்டெட் சூப்பர் கோப்பை கால்பந்து சுற்றுப் போட்டி அறிமுகப்படுத்தப்பட்டுள்ளது.

இப்போட்டியில், காலரி பேர்ட்ஸ், ஜி-கூல், ஹார்டி பாய்ஸ், கே-11, கே.பி.ஹார்ட் ராக்கர்ஸ், சில்வர் மைனர்ஸ், ஸ்பீட் ஸ்ட்ரைக்கர்ஸ், உட்லண்ட்ஸ் ஆகிய எட்டு அணிகள் விளையாடுகின்றன.



















04.09.2012 அன்று ஸ்பீட் ஸ்ட்ரைக்கர்ஸ் - கே.பி.ஹார்ட் ராக்கர்ஸ் ஆகிய அணிகள் மோதிய போட்டியில், இரு அணிகளும் கோல் எதுவும் அடிக்காததால் சமநிலையில் முடிந்தது.

05.09.2012 அன்று 3 போட்டிகள் நடைபெற்றன. முதல் போட்டியில், ஹார்டி பாய்ஸ் அணியை எதிர்த்தாடிய கே-11 அணி, 3-2 என்ற கோல் கணக்கில் வெற்றி பெற்றது.

அடுத்த போட்டியில், சில்வர் மைனர்ஸ் அணியை எதிர்த்தாடிய காலரி பேர்ட்ஸ் அணி 2-0 என்ற கோல் கணக்கில் வெற்றி பெற்றது.

மூன்றாவது போட்டியில், ஜி-கூல் அணியை எதிர்த்தாடிய உட்லண்ட்ஸ் அணி 1-0 என்ற கோல் கணக்கில் வெற்றி பெற்றது.

06.09.2012 அன்று (நேற்று) 3 போட்டிகள் நடைபெற்றுள்ளன. முதல் போட்டியில், காலரி பேர்ட்ஸ் அணியை எதிர்த்தாடிய கே.பி.ஹார்ட் ராக்கர்ஸ் அணி 4-2 என்ற கோல் கணக்கில் வெற்றி பெற்றது.

அடுத்த போட்டியில், ஜி-கூல் அணியை எதிர்த்தாடிய ஹார்டி பாய்ஸ் அணி, 1-0 என்ற கோல் கணக்கில் வெற்றி பெற்றது.

மூன்றாவது போட்டியில், உட்லண்ட்ஸ் அணியும், கே-11 அணியும் மோதின. இதில் இரு அணிகளும் கோல் எதுவும் அடிக்காததால், சமனில் முடிந்தது.

07.09.2012 (இன்று) காலையில் நடைபெற்ற போட்டியில், உட்லண்ட்ஸ் அணியை எதிர்த்தாடிய ஹார்ட் ராக்கர்ஸ் அணி 1-0 என்ற கோல் கணக்கில் வெற்றி பெற்றது.

இன்று மாலையில், இரண்டு போட்டிகள் நடைபெறுகின்றன. முதல் போட்டியில் ஜி-கூல் அணியும், கே-11 அணியும் மோதுகின்றன. இரண்டாவது போட்டியில் ஸ்பீட் ஸ்ட்ரைக்கர்ஸ் அணியும், சில்வர் மைனர்ஸ் அணியும் மோதுகின்றன.