{ முகநூல் கருத்துக்கள்}{ட்விட்டர் கருத்துக்கள்}

ஆத்தூர் குடிநீரேற்று நிலையத்திலிருந்து காயல்பட்டினம், ஆறுமுகநேரி, ஆத்தூர் மற்றும் திருச்செந்தூர் பகுதிகளுக்கு வினியோகிக்கப்படும் குடிநீர் அளவு செப்டம்பர் 10ஆம் தேதி (நாளை) முதல் அதிகரிக்கப்படுகிறது என மேலாத்தூர் குடிநீரேற்று நிலைய பொறியாளர் பால சுப்பிரமணியன் தெரிவித்துள்ளார்.

காயல்பட்டினம், ஆறுமுகநேரி, ஆத்தூர் மற்றும் திருச்செந்தூர் பகுதிகளுக்கு மேலாத்தூரில் உள்ள தமிழ்நாடு குடிநீர் வடிகால் வாரிய சுத்திகரிப்பு மற்றும் குடிநீரேற்று நிலையத்திலிருந்து பாதுகாக்கப்பட்ட குடிநீர் வினியோகம் செய்யப்படுகிறது.

காயல்பட்டினம் நகராட்சிக்கு 12 லட்சம் லிட்டர் வழங்கப்பட்டு வந்தது 13 லட்சம் லிட்டராக (முழு அளவு 23 லட்சம் லிட்டர்) வழங்கப்படவுள்ளது.

ஆறுமுகனேரி பேரூராட்சி பகுதிக்கு 11 லட்சம் லிட்டர் குடிநீர் வினியோகம் செய்யப்பட்டு வந்தது திங்கட்கிழமை முதல் 12 லட்சம் லிட்டராக (முழு அளவு 21 லட்சம் லிட்டர்) வழங்கப்படும். திருச்செந்தூர் பகுதிக்கு பற்றாக்குறையினால் 8 லட்சம் லிட்டரே வழங்கப்பட்டு வந்தது. திங்கட்கிழமை முதல் 9 லட்சம் விட்டர்(முழு அளவு 15.4 லட்சம் லிட்டர்) குடிநீர் வினியோகிக்கப்படும்.

ஆத்தூர் பேரூராட்சி மன்ற பகுதிக்கு 3.25 லட்சம் லிட்டர் குடிநீர் வினியோகம் செய்யப்பட்டது திங்கட்கிழமை முதல் 4 லட்சம் லிட்டராக (முழு அளவு) வினியோகிக்கப்படும் என்றார்.

மழை பெய்து ஸ்ரீவைகுண்டம் அணையின் தென்காலில் தண்ணீர் திறந்து விடப்பட்டால் முழு அளவு குடிநீர் வினியோகம் செய்ய இயலும் என்றார் பொறியாளர் பாலசுப்பிரமணியன். ஏற்கனவே 01ஆம் தேதி குடிநீர் வினியோக அளவு அதிகரிக்கப்பட்டது.