{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் வாவு வஜீஹா வனிதையர் கல்லூரியில், வாய் பராமரிப்பு குறித்த விழிப்புணர்வு மற்றும் பல், கண் பரிசோதனை இலவச முகாம், இம்மாதம் 07, 08 தேதிகளில், காலை 10.00 மணி முதல் மாலை 04.00 மணி வரை நடைபெறுகிறது.

முகாம் துவக்க நிகழ்ச்சியில் கல்லூரியின் முதல்வர் (பொறுப்பு) ஆர்.அருணா ஜோதி வரவேற்புரையாற்றுகிறார். கல்லூரியின் இயக்குநர் முனைவர் மெர்ஸி ஹென்றி தலைமையுரையாற்றுகிறார்.

கல்லூரியின் நிறுவன தலைவர் ஹாஜி வாவு எஸ்.செய்யித் அப்துர்ரஹ்மான் முகாமைத் துவக்கி வைக்கிறார்.

கல்லூரியின் செயலாளர் ஹாஜி வாவு எம்.எம்.முஃதஸிம், துணைச் செயலாளர் ஹாஜி வாவு எஸ்.ஏ.ஆர்.அஹ்மத் இஸ்ஹாக் ஆகியோர் வாழ்த்துரை வழங்க, கல்லூரியின் உடற்கல்வி இயக்குநர் டபிள்யு.ஸ்வீட்டி ஜெயமேரி நன்றி கூறுகிறார்.

இந்நிகழ்வில், சார்லி பல் மருத்துவமனை மற்றும் ட்ரூ அறக்கட்டளையின் இயக்குநர் டாக்டர் சார்லஸ் ப்ரேம்குமார் சிறப்பு விருந்தினராகக் கலந்துகொண்டு சிறப்புரையாற்றுவதோடு, மருத்துவ ஆலோசனைகளை வழங்குகிறார்.

முகாம் ஏற்பாட்டுப் பணிகளை கல்லூரியின் நிர்வாகிகள் மற்றும் ஆசிரியையர் செய்து வருகின்றனர்.