|
தாய்லாந்து தலைநகர் பாங்காக்கில், இன்று ஈதுல் அழ்ஹா - ஹஜ் பெருநாள் கொண்டாடப்பட்டது. பெருநாளை முன்னிட்டு முன்னதாக, 25.10.2012 அன்று (நேற்று) இரவில், பாங்காக் சன் மூன் ஸ்டார் நிறுவன இல்லத்தில் திக்ர் மஜ்லிஸ் நடைபெற்றது.
பெருநாளன்று காலை 09.15 மணிக்கு பாங்காக் மஸ்ஜிதில் ஹஜ் பெருநாள் தொழுகை கூட்டாக நடத்தப்பட்டது. சுமார் 1500 ஆண்-பெண்கள் இத்தொழுகையில் கலந்துகொண்டனர்.
தொழுகை நிறைவுற்றதும், காயலர்கள் தமக்கிடையில் மகிழ்ச்சியைப் பரிமாறிக் கொண்டனர். பாங்காக் தமிழ் முஸ்லிம் சங்க அங்கத்தினரும் இணைந்து மகிழ்ச்சியைப் பரிமாறிக் கொண்டனர்.
காயலர்களுக்கு பெருநாள் இரவுணவுபசரிப்பு பாங்காக் ஜெம் ஹவுஸ் நிறுவன இல்லத்திலும், பெருநாள் பகலுணவுபசரிப்பு சன் மூன் ஸ்டார் நிறுவன இல்லத்திலும் நடைபெற்றது.
உலக காயலர்கள் அனைவருக்கும் தியாகத் திருநாளாம் ஈதுல் அழ்ஹா நல்வாழ்த்துக்களைத் தெரிவித்துக்கொள்வதாக தாய்லாந்து காயல் நல மன்றம் - தக்வா அமைப்பின் சார்பில் தெரிவிக்கப்பட்டுள்ளது.
தகவல் & படங்கள்:
கம்பல்பக்ஷ் அஹ்மத் இர்ஃபான்,
பாங்காக், தாய்லாந்து. |
Qatar
