{ முகநூல் கருத்துக்கள்}{ட்விட்டர் கருத்துக்கள்}

ஜனவரி 1, 2013 தேதியை அடிப்படையாக கொண்டு - 18 வயதை நிரம்பியவர்கள் வாக்காளர் பட்டியலில் தங்கள் பெயரை இணைக்கவும், மேலும் முன்னரே பெயர் இணைக்கப்பட்டவர்கள் திருத்தங்கள் மேற்கொள்ளவும் - தொடர்பான பணிகள் அக்டோபர் 1 முதல் நடைபெற்று வருகின்றன. இதற்கான சிறப்பு முகாம்களும் - அக்டோபர் மாதத்தில் ஞாயிற்றுகிழமைகளில் நடைபெற்றன.

இப்பணிகளை நிறைவு செய்ய அக்டோபர் 31 - இறுதி தினம் என அறிவிக்கப்பட்டிருந்தது. தற்போது அதற்கான கால அவகாசம் நீட்டிக்கப்பட்டுள்ளது. புதிதாக பெயர் இணைப்பு, திருத்தங்கள் ஆகியவைக்கான விண்ணப்பங்கள் இப்போது நவம்பர் 20 வரை பெறப்படும் என அறிவிக்கப்பட்டுள்ளது. மேலும் - பெறப்பட்ட விண்ணப்பங்கள் பரிசீலிக்கப்பட்டு, புதிய வாக்காளர் பட்டியல் ஜனவரி 15, 2013 (முந்தைய தேதி 5-1-2013) அன்று வெளியிடப்படும் என்றும் அறிவிக்கப்பட்டுள்ளது.