Kayal on the Web

செய்திகள்

செய்தி எண் (ID #) 9714

#KOTW9714

வெள்ளி, நவம்பர் 30, 2012

DCW ஆலையின் அத்துமீறலுக்கெதிரான போராட்டம்: கடையக்குடியில் மீனவர்கள் கடலுக்குச் செல்லவில்லை!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3345 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சி எல்லைக்குள் இயங்கி வரும் DCW தொழிற்சாலையின் மாசு நிறைந்த அமிலக் கழிவுநீர் - அரசு சட்ட விதிகளுக்கு மாற்றமாக பன்னெடுங்காலமாக காயல்பட்டினம் கடற்பரப்பில் கலக்கப்பட்டு வருகிறது. நகரில் புற்றுநோயாளிகளின் எண்ணிக்கை நாளுக்கு நாள் அதிகரிப்பதற்கும், பலர் உயிரிழப்பதற்கும் இத்தொழிற்சாலையின் மாசுகளே முக்கிய காரணமாக இருக்கக் கூடும் என்று அஞ்சப்படுகிறது.

அரசின் மாசுக்கட்டுப்பாடு சட்ட விதிகளுக்கு மாற்றமாக செயல்பட்டு வரும் இத்தொழிற்சாலையின் சில பகுதிகளை மூடுமாறு, தூத்துக்குடி மாவட்ட மாசு கட்டுப்பாட்டு வாரியம் - தமிழ்நாடு மாசு கட்டுப்பாட்டு வாரியத்திற்கு பரிந்துரை செய்தும், இதுவரை அதன் மீது நடவடிக்கை எடுக்கப்படாததைக் கண்டித்தும், அரசின் மாசு கட்டுப்பாடு சட்ட விதிகளுக்கு மாற்றமாக செயல்பட்டு வரும் இத்தொழிற்சாலையைக் கண்டித்தும், அதன் மீது தகுந்த நடவடிக்கை எடுப்பது குறித்து மத்திய - மாநில அரசுகளின் கவனத்தை ஈர்க்கும் வகையிலும், நகரின் அனைத்து ஜமாஅத்துகள் - பொதுநல அமைப்புகள் - புறநகர் ஊர் நலக் கமிட்டியினர் ஆதரவுடன்,

29.11.2012 வியாழக்கிழமையன்று காயல்பட்டினத்தில் ஒருநாள் அடையாள முழு கடையடைப்பும், காயல்பட்டினம் வள்ளல் சீதக்காதி திடலில் அன்று மாலை 04.30 மணிக்கு கண்டன ஆர்ப்பாட்டமும், இரவு 07.00 மணிக்கு பொதுக்கூட்டமும் நடத்தி முடிக்கப்பட்டுள்ளது.

காலை 06.00 மணி முதல் மாலை 06.00 மணி வரை நடைபெற்ற கடையடைப்பு எவ்வித அசம்பாவிதங்களுமின்றி அமைதியான முறையில் நடைபெற்று முடிந்துள்ளது.

இந்தக் கடையடைப்பையொட்டி, காயல்பட்டினம் கடையக்குடி (கொம்புத்துறை)யில் மீனவர்கள் வேலை நிறுத்தம் செய்திருந்தனர். அன்றைய தினம் அவர்கள் யாரும் மீன்பிடி தொழிலுக்காக கடலுக்குச் செல்லாமல் படகுகளை கரையோரத்தில் நிறுத்தி வைத்திருந்தனர்.

நேற்று மாலையில் நடைபெற்ற கண்டன ஆர்ப்பாட்டத்தில், கடையக்குடி (கொம்புத்துறை), கற்புடையார் பள்ளி வட்டம் (சிங்கித்துறை) ஆகிய பகுதிகளிலிருந்து நூற்றுக்கணக்கான மீனவர்களும் கலந்துகொண்டனர்.

படங்கள்:
ஹாஃபிழ் M.M.முஜாஹித் அலீ

{TAGS} kepa dcw factory agitation procession pollution shop close bandh strike kadaiyadaippu kadai adaippu aarppaattam meenavargal velai nirutham kombuthurai kadaiyakkudi

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. வேற்றுமையில் ஒற்றுமை!
posted by Firdous (Colombo) [30 November 2012]
IP: 123.*.*.*

Sri Lanka | Comment Reference Number: 24246

நம்மில் சில விடயங்கலில் வேற்றுமை இருந்தாலும் ஊரின் பொதுவான வாழ்வுரிமை போராட்டத்தில் முழுமையாக இணைத்துக்கொண்ட மீனவ நண்பர்களுக்கு எனது அன்புடன் கலந்த நன்றியை தெரிவித்துக்கொள்கிறேன்.

இப்போரட்டத்தை முன்னெடுத்து சென்ற KEPA, அதை பாரிய வெற்றியாக்க உதவிய, உழைத்த, கலந்துக்கொண்ட அணைத்து நண்பர்கள் மற்றும் அன்பர்களுக்கு நன்றியை உரித்தாக்குகின்றேன்.

எல்லாம் வல்ல அல்லாஹ் KEPA அடுத்தடுத்து எடுத்து வைக்கும் முயற்சிகளை வெற்றியாக்கி தருவானாக!

மேலும் நமது வசிப்பிடத்தை வாழ்வதற்கு ஏற்ற, நமது சந்ததியனர் நோயற்று தழைக்க எல்லாம் வல்ல அல்லாஹ் உதவி புரிவானாக!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. நன்றி
posted by Mohamed Salih (Bangalore) [30 November 2012]
IP: 121.*.*.*

India | Comment Reference Number: 24249

நன்றிகள் பல பல பல .........

பெங்களூர் ,
முஹம்மத் ஸாலிஹ் கே.கே.எஸ்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by M.N.Sulaiman (Bangalore) [30 November 2012]
IP: 122.*.*.*

India | Comment Reference Number: 24252

கண்ணியமிகு கடையக்குடி மீனவ சகோதரர்களுக்கு,

DCW தொழிற்சாலைக்கு எதிரான இந்த போராட்டத்தில் தாங்களும் பங்கேற்று மேலும் வலுசேர்த்து உள்ளீர்கள் என்பதை நேற்று "புதிய தலைமுறை" சேனலில் பார்த்ததில் மிக்க சந்தோசம்.

தங்களின் மேலான வேலைகளை எல்லாம் தவிர்த்து விட்டு, நம் சந்ததினர்களுக்காக போராடும் இக்களத்தில் தாங்களும் பங்கேற்றதற்காக எம் நன்றிகள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by OMER ANAS (DOHA QATAR.) [30 November 2012]
IP: 178.*.*.*

Qatar | Comment Reference Number: 24256

அட என் சாச்சாவே நீயும் கடலுக்கு போகாமல் எங்களையும் சீலா மீன் சாப்பிடாமல் செய்து விட்டாயே! இது நியாயமா? என்று நான் சொன்னாலும் நீ விட்டுக் கொடுப்பியா உன் வாப்பாவை? உனக்கும் சேர்த்துதானே நம் வாப்பாமார்கள் போராடுகிறார்கள் என்று நீயும் உன் சந்ததியும் எங்களோடு தோல் கொடுத்ததை எங்களால் எப்படி மறக்க முடியும்?

இன்று மட்டும் கண்ணதாசன் இருந்திருந்தால் எப்படி பாட்டு எழுதி இருப்பார் தெரியுமா?

தரைமேல் பிறக்க வைத்தான் எங்களை
DCW கழிவினின் குளிக்க வைத்தான்.
கரைமேல் இருக்க வைத்தான் எங்கள்
பெண்களை கேன்சரில் மிதக்க விட்டான்

கட்டிய மனைவி தொட்டில் பிள்ளை கேன்சரை கொடுத்தவன் இங்கே!
தவியாய் தவிக்கும் குடும்பம் இனிமேல் பிழைத்து வருபது எங்கே!

வெள்ளி நிலாவே கேன்சராய் எரியும்
இதுதான் எங்கள் வாழ்க்கை.
விடிந்தால் மடியும் பிறந்தால் சாகும்
இதுதான் எங்கள் பிள்ளை
இதுதான் எங்கள் வாழ்க்கை!.

நன்றி !கண்ணதாசனுக்கு!