பாசிப்பட்டினத்தில் அடங்கியிருக்கும் மஹான் சர்தார் நெய்னா முஹம்மத் ஸாஹிப் வலிய்யுல்லாஹ் அவர்கள் நினைவாக, காயல்பட்டினம் கோமான் ஜமாஅத் சார்பில் ஆண்டுதோறும் முஹர்ரம் முதல் நாள் முதல் 14ஆம் நாள் வரை கந்தூரி நிகழ்ச்சிகள் நடத்தப்படுவது வழமை.
அந்த அடிப்படையில் இவ்வாண்டு நிகழ்ச்சிகள் 15.11.2012 வியாழக்கிழமை மாலையில் கொடியேற்றத்துடன் துவங்கி, 29.11.2012 அன்று கந்தூரி நிகழ்வுகளுடன் நிறைவுற்றது.
கந்தூரி நிகழ்ச்சியை முன்னிட்டு தினமும் அதிகாலையில் கத்முல் குர்ஆன் ஓதி மஹான் பெயரில் ஈஸால் தவாப் செய்யப்பட்டது. தினமும் மாலையில் மவ்லித் மஜ்லிஸும், இஷா தொழுகைக்குப் பின் இரவு 08.00 மணிக்கு மார்க்க சொற்பொழிவும் நடைபெற்றன.
மவ்லவீ ஹாஃபிழ் நஹ்வீ எஸ்.ஏ.கே.முஹம்மத் முஹ்யித்தீன் மஹ்ழரீ,
மவ்லவீ ஹாஃபிழ் எஸ்.எம்.ரஹ்மத்துல்லாஹ் ஃபாஸீ,
மவ்லவீ ஏ.சுல்தான் அப்துல் காதிர் ரஹ்மானீ,
மவ்லவீ ஹாஃபிழ் எஸ்.செய்யித் அப்துர்ரஹ்மான் தங்ஙள் அஹ்ஸனீ ஃபாழில் பாக்கவீ,
மவ்லவீ ஹாஃபிழ் முஹம்மத் அஸ்ஃபர் அஷ்ரஃபீ,
மவ்லவீ ஹாஃபிழ் நஹ்வீ ஒய்.ஸதக்கத்துல்லாஹ் ஃகைரீ,
மவ்லவீ எஸ்.எம்.முஹம்மத் ஃபாரூக் அல்ஃபாஸீ,
மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ,
மவ்லவீ ஏ.கே.அபூமன்ஸூர் மஹ்ழரீ,
மவ்லவீ ஹாஃபிழ் கே.எம்.காஜா முஹ்யித்தீன் பாக்கவீ,
மவ்லவீ ஹாஃபிழ் யாஸிர் அரஃபாத் மஹ்ழரீ,
மவ்லவீ ஹாஃபழ் எம்.கே.தமீமுல் அன்ஸாரீ புகாரீ
ஆகிய மார்க்க அறிஞர்கள் மார்க்க சொற்பொழிவுகளை நிகழ்த்தினர்.
கந்தூரி தினமான 10.12.2011 சனிக்கிழமையன்று இரவில் மவ்லித் மஜ்லிஸ் நடைபெற்றது. அன்றிரவு, அலங்கரிக்கப்பட்ட யானை, ஜோடிக்கப்பட்ட குழந்தைகளுடன் பல்லக்கு, சிலம்பாட்டம், தீப்பந்த விளையாட்டு ஆகிய அம்சங்களை உள்ளடக்கிய ஊர்வலம் நடத்தப்பட்டது.
இந்த ஊர்வலத்தையொட்டி வான வேடிக்கைகளும், பேண்டு வாத்திய முழக்கங்களும் இடம்பெற்றன. இதனை நகரின் பல்வேறு பகுதிகளைச் சார்ந்த பெருந்திரளான பொதுமக்கள் கண்டுகளித்தனர். பெண்களுக்கு தனி இடவசதி செய்யப்பட்டிருந்தது.
அன்றிரவு 10.00 மணிக்கு பாடகர் நெல்லை அபூபக்கரின் இஸ்லாமிய இன்னிசை கச்சேரியும் நடைபெற்றது.
கந்தூரி நிகழ்ச்சிகளையொட்டி, கோமான் மொட்டையார் பள்ளி நிர்வாகத்தின் சார்பில் பள்ளியின் இமாம் ஹாஃபிழ் வி.எம்.எஸ்.முஹ்யித்தீனுக்கு சால்வை அணிவித்து, ஊக்கத்தொகை வழங்கி கண்ணியப்படுத்தப்பட்டது.
கந்தூரி விழா ஏற்பாடுகளை, கே.எம்.செய்யித் இப்றாஹீம், ஹாஜி எஸ்.எம்.கஸ்ஸாலீ, ஜெ.ஏ.முஹம்மத் ராஸிக், எம்.பி.பீர் முஹம்மத், எம்.எச்.முஹம்மத் காஸிம், கே.எம்.ஹாஜி அலீ, ஏ.எம்.ஷமீம் உள்ளிட்ட கோமான் ஜமாஅத் நிர்வாகிகள் செய்திருந்தனர்.
படங்கள்:
தமீமுல் அன்ஸாரீ |
