{ முகநூல் கருத்துக்கள்}{ட்விட்டர் கருத்துக்கள்}

வி-யுனைட்டெட் ஸ்போர்ட்ஸ் க்ளப் சார்பில் காயல் ப்ரீமியர் லீக் (வி-யுனைட்டெட் கே.பி.எல்.) என்ற பெயரில் ஆண்டுதோறும் கால்பந்து மற்றும் க்ரிக்கெட் உள்ளிட்ட விளையாட்டுப் போட்டிகள் நடத்தப்பட்டு வருகிறது. நடப்பாண்டு வி-யுனைட்டெட் கே.பி.எல். க்ரிக்கெட் சுற்றுப்போட்டிகள், வரும் மே மாதம் 16ஆம் தேதியன்று துவங்குகிறது. இப்போட்டியில் பங்கேற்பதற்கான வீரர்கள் சேர்க்கை நடைபெற்று வருகிறது.

இதுகுறித்து, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கை வருமாறு:-

ஹாங்காங்கை தலைமையிடமாக கொண்டு இயங்கி வரும் V-United Sports Club சார்பாக, கடந்த 3 ஆண்டுகளாக காயல் பிரிமியர் லீக் க்ரிக்கெட் போட்டிகள், வல்ல இறைவனின் துணையோடும், காயல் மக்களின் நல்லாதரவோடும் காயல் ஸ்போர்டிங் கிளப் மைதானத்தில் நடத்தப்பட்டு வருகிறது அல்ஹம்துலில்லாஹ்.

வழமைபோல் 4ஆவது ஆண்டாக இவ்வருடமும் V-United KPL க்ரிக்கெட் போட்டிகள் இன்ஷாஅல்லாஹ் வரும் மே மாதம் 16ஆம் தேதி முதல், காயல்பட்டினம் காயல் ஸ்போர்டிங் கிளப் (கே.எஸ்.ஸி.) மைதானத்தில் நடைபெற உள்ளது.

இப்போட்டியில் பங்குபெற விரும்பும் வீரர்கள், அதற்கான விண்ணப்பப் படிவங்களை,
காயல்பட்டினம் ஐசிஐசிஐ வங்கி அருகிலுள்ள அல்தாஃப் எண்டர்ப்ரைஸஸ்,
ஆறாம்பள்ளி எதிரிலுள்ள பிஸ்மி கிஃப்ட் அன் ஃபேன்ஸி,
சதுக்கைத் தெருவிலுள்ள அல்அமீன் மினி மார்க்கெட்
ஆகிய இடங்களில் பெற்று, பூர்த்தி செய்யப்பட்ட படிவங்களை - ஏப்ரல் 30ஆம் தேதிக்குள் அதே இடங்களில் சமர்ப்பித்து, தங்கள் பங்கேற்பை உறுதி செய்துகொள்ளுமாறு கேட்டுக்கொள்ளப்படுகிறீர்கள்.

இவ்வாறு, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் தெரிவிக்கப்பட்டுள்ளது.