{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் அல்ஜாமிஉல் அஸ்ஹர் ஜும்ஆ மஸ்ஜித் நிர்வாகத்தின் மூலம் நடத்தப்பட்டு வரும் “மத்ரஸத்துல் அஸ்ஹர் லி தஹ்ஃபீழில் குர்ஆனில் கரீம்” - அல்அஸ்ஹர் திருக்குர்ஆன் மனனக் கல்வியகத்தில், வரும் கல்வியாண்டிற்கான புதிய மாணவர் சேர்க்கை நடைபெறுகிறது.

இதுகுறித்து, மத்ரஸா நிர்வாகத்தின் சார்பில் வெளியிடப்பட்டுள்ள அறிக்கை:-

அன்புடையீர், அஸ்ஸலாமு அலைக்கும் வரஹ்மத்துல்லாஹி வபரக்காதுஹ்...

எல்லாம்வல்ல அல்லாஹ்வின் பேரருளால், மூன்றாண்டு கல்வித் திட்டத்தின் அடிப்படையில் - கடந்த 2001ஆம் ஆண்டு துவக்கப்பட்ட நமது அல்-அஸ்ஹர் திருக்குர்ஆன் மனனக் கல்வியகத்தில், மாணவர்கள் - திருக்குர்ஆனை முழுமையாக மனனம் செய்வதுடன், பள்ளிக் கல்வியில் 8ஆம் வகுப்பு அரசுத் தேர்வு எழுதி தேர்ச்சி பெற்று, 9ஆம் வகுப்பில் இணைந்து பயின்று வருகின்றனர் என்பதை பெருமகிழ்ச்சியுடன் தெரிவித்துக் கொள்கிறோம், அல்ஹம்துலில்லாஹ்!

நமது இம்மனனக் கல்வியகத்தின் இந்த ஆண்டிற்கான மாணவர்கள் சேர்க்கை தற்போது நடைபெற்று வருகிறது. பள்ளிக்கூடக் கல்வியாண்டே இங்கு பின்பற்றப்படுவதால், இந்த ஆண்டு மே மாதம் 25ஆம் தேதி சனிக்கிழமையன்று இம்மனன கல்வியகத்தின் கல்வி ஆண்டு ஆரம்பிக்கப்படுகிறது.

குறைந்தளவுக்கே மாணவர்கள் சேர்க்கப்படுவதால், பெற்றோர்கள் மாணவர் சேர்க்கைக்கான விண்ணப்பப் படிவத்தை இக்கல்வியகத்தில் பெற்று, பூர்த்தி செய்து சமர்ப்பித்து, உங்கள் பிள்ளைகளின் சேர்க்கையை உறுதி செய்துகொள்ளுமாறு அன்புடன் கேட்டுக்கொள்கிறோம்.

இவ்வாறு அந்த அறிக்கையில் தெரிவிக்கப்பட்டுள்ளது.