{ முகநூல் கருத்துக்கள்}{ட்விட்டர் கருத்துக்கள்}

விளையாட்டுத் துறையில் காயலர்களை ஒருங்கிணைக்கும் நோக்குடன் இயங்கி வரும் வி-யுனைட்டெட் ஸ்போர்ட்ஸ் க்ளப் சார்பாக, காயல்பட்டினம் நகரின் விளையாட்டு ஆர்வலர்களின் நல்லாதரவோடும், காயல் ஸ்போர்ட்டிங் க்ளப் (கே.எஸ்.ஸி.), ஐக்கிய விளையாட்டு சங்கம் (யு.எஸ்.ஸி.) ஆகியவற்றின் ஒத்துழைப்புகளோடும், காயல் ப்ரீமியர் லீக் கால்பந்து மற்றும் க்ரிக்கெட் போட்டிகள் கடந்த 3 ஆண்டு காலமாக நடத்தப்பட்டு வருகிறது.

இவ்வாண்டு, வி-யுனைட்டெட் கே.பி.எல். க்ரிக்கெட் சுற்றுப்போட்டிகள், இம்மாதம் 22ஆம் தேதி புதன்கிழமை (நாளை) துவங்கி, இம்மாதம் 31ஆம் தேதி வெள்ளிக்கிழமை வரை, காயல்பட்டினம் கே.எஸ்.ஸி. மைதானத்தில் நடைபெறுகிறது.

மே 28ஆம் தேதியன்று நடைபெற்ற போட்டிகள் குறித்து, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கை வருமாறு:-

V-United KPL கிரிக்கெட் சுற்றுப் போட்டியில் நேற்று (30/05) அரையிறுதிப் போட்டிகள் நடைபெற்றன. முதல் அரையிறுதிப் போட்டியில் Fi-Sky Boys அணியும், Kayal United அணியும் விளையாடின. முதலில் பேட்டிங் செய்த Fi-Sky Boys அணியினர் 10 ஓவர்களின் முடிவில் 7 விக்கெட்டுகளை இழந்து 61 ரன்களை அடித்தனர். அந்த அணிக்காக அபு 15 ரன்களை சேர்த்தார். Kayal United அணிக்காக முஹைதீன் 1 விக்கெட்டையும், நெய்னா 2 விக்கெட்டையும், இஜ்ஜத்தீன் 3 விக்கெட்டையும் வீழ்த்தினார்கள்.

தொடர்ந்து போட்டிங் செய்த Kayal United அணியினர் 9 ஓவர்களில் 2 விக்கெட்டுகளை இழந்து 65 ரன்களை அடித்து வெற்றிபெற்றனர். அந்த அணிக்காக இஜாஸ் 34 ரன்களை சேர்த்தார். Fi-Sky Boys அணிக்காக பிலால் மற்றும் அபு ஆகியோர் தலா ஒரு விக்கெட்டை கைப்பற்றினர்.

இரண்டாவது அரையிறுதிப் போட்டியில் Kayal Rockers அணியும், Greenish County அணியும் விளையாடின. முதலில் பேட்டிங் செய்த Kayal Rockers அணியினர் 10 ஓவர்களின் முடிவில் 5 விக்கெட்டுகளை இழந்து 78 ரன்களை அடித்தனர். அந்த அணிக்காக அம்மார் 37 ரன்களை சேர்த்தார். Greenish County அணிக்காக சுலைமான், அர்ஷத் மற்றும் ஹஸன் தலா ஒரு விக்கெட்டையும், சாஹூல் ஹமீது 2 விக்கெட்டுகளையும் வீழ்த்தினார்கள்.

பின்னர் பேட்டிங் செய்த Greenish County அணியினர் 10 ஓவர்களின் முடிவில் 6 விக்கெட்டுகளை இழந்து 78 ரன்களை அடித்தனர். அந்த அணிக்காக முஃபீத் 25 ரன்களை அடித்தார். Kayal Rockers அணிக்காக அம்மார் மற்றும் உமர் தலா ஒரு விக்கெட்டையும், இர்ஃபான் மற்றும் அஸார் தலா இரண்டு விக்கெட்டுகளையும் வீழ்த்தினார்கள்.

போட்டி சமநிலையில் முடிவுற்றதால் சூப்பர் ஓவர் முறை கடைபிடிக்கப்பட்டது. இதில் முதலில் பேட்டிங் செய்த Greenish County அணியினர் 1 விக்கெட்டை இழந்து 9 ரன்களை எடுத்தனர். தொடர்ந்து பேட்டிங் செய்த Kayal Rockers அணியினர் 5 பந்துகளில் 12 ரன்களை அடித்து வெற்றி பெற்றனர்.

இன்று நடைபெறும் போட்டியில் Fi-Sky Boys அணியினரும், Kayal Rockers அணியினரும் விளையாட உள்ளார்கள். அப்போட்டியில் வெற்றிபெரும் அணியினர் இன்று மாலை நடைபெற உள்ள இறுதிப் போட்டியில் Kayal United அணியினருடன் விளையாட உள்ளனர்.

இவ்வாறு, சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

இச்சுற்றுப்போட்டியில் பங்கேற்கும் அணியினரின் குழுப்படங்கள் வருமாறு:-

















தகவல்:
M.ஜஹாங்கீர்

மே 29ஆம் தேதி நடைபெற்ற போட்டிகள் குறித்த செய்தியைக் காண இங்கே சொடுக்குக!