Kayal on the Web

செய்திகள்

செய்தி எண் (ID #) 11063

#KOTW11063

புதன், ஜுன் 19, 2013

காயல்பட்டினம் நகராட்சியின் சார்பில் மழைநீர் சேகரிப்பு விழிப்புணர்வு பேரணி! நகர்மன்றத் தலைவர் துவக்கி வைத்தார்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3770 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

மழை நீரை சேகரிப்பதன் பயன்கள் குறித்து பொதுமக்களுக்கு விழிப்புணர்வூட்டும் நோக்குடன், காயல்பட்டினம் நகராட்சியின் சார்பில், இன்று மாலை 04.00 மணியளவில் மழை நீர் சேகரிப்பு விழிப்புணர்வுப் பேரணி நடைபெற்றது.

காயல்பட்டினம் நகர்மன்றத் தலைவர் ஐ.ஆபிதா ஷேக் பச்சைக் கொடியசைத்து, பேரணியைத் துவக்கி வைத்தார்.

நகராட்சி ஆணையர் ஜி.அஷோக் குமார், நகராட்சி பொறியாளர் சிவக்குமார், நகராட்சி சுகாதார ஆய்வாளர் எஸ்.பொன்வேல்ராஜ், பணி மேற்பார்வையாளர் செல்வமணி, அலுவலர் ராதாகிருஷ்ணன் உள்ளிட்டோர் பங்கேற்ற இப்பேரணியில், மழை நீர் சேகரிப்பின் பலன்கள் குறித்த பதாகைகளைத் தாங்கியவர்களாக, காயல்பட்டினம் சென்ட்ரல் மேனிலைப்பள்ளியின் மாணவர்கள் நகர வீதிகளில் பேரணியாகச் சென்றனர். மாணவர்களை, அப்பள்ளியின் ஆசிரியர்களான ஏ.பீர் முஹம்மத் ஹுஸைன், ஏ.டிக்ஸன் ஃபெர்ணான்டோ, எஸ்.ஜெ.செய்யித் அய்யூப் அலீ, என்.ரஃபீக் அஹ்மத் ஆகியோர் வழிநடத்தினர்.

பேரணியின்போது, நகராட்சியின் சார்பில் மழை நீர் சேகரிப்பு குறித்த வாசகங்களடங்கிய விழிப்புணர்வுப் பிரசுரமும் பொதுமக்களுக்கு வினியோகிக்கப்பட்டது. நகர்மன்றத் தலைவர் மற்றும் அலுவலர்களும், பள்ளி மாணவர்களும் அவற்றை பொதுமக்களுக்கு வினியோகித்தனர்.

முன்னதாக, காயல்பட்டினம் நகர்மன்றத்தின் 11ஆவது வார்டு உறுப்பினரும், நகர்மன்றத் துணைத்தலைவருமான எஸ்.எம்.முகைதீன், 16ஆவது வார்டு உறுப்பினர் எஸ்.எம்.சாமு ஷிஹாபுத்தீன் ஆகியோர் பேரணி ஏற்பாடுகளைப் பார்த்துச் சென்றனர்.

தகவல் & படங்கள்:
ஹிஜாஸ் மைந்தன்
செய்தியாளர் - காயல்பட்டணம்.காம்

[செய்தியில் கூடுதல் தகவல்கள் இணைக்கப்பட்டது @ 8:20 / 21.06.2013]

{TAGS} rain water storage rain water saving awareness parade awareness parade mazhai neer segarippu vizhippunarvu perani chss central higher secondary school municipality chairman abida abidha aabidha

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by P.S.ABDUL KADER (KAYAL PATNAM) [19 June 2013]
IP: 117.*.*.*

India | Comment Reference Number: 28151

மழைநீர் சேகரிப்பு என்பது மழைநீரைத் திரட்டி, ஒருங்கே குவித்து, சேமித்து வைப்பது ஆகும். மழைநீரைச் சேகரித்து பொதுமக்களின் குடிநீர் தேவைகளுக்கு, கால்நடைகளுக்கு, நீர்ப்பாசனம் மற்றும் நிலத்தடி நீர்மட்டத்தை உயர்த்துவதற்குப் பயன்படுத்தலாம். வீடுகள், நிறுவனங்களின் கட்டடங்களின் மேற்கூரைகளில் இருந்தும் இதற்காகத் தயார் செய்யப்பட்ட தரைவழியாகவும் சேகரிக்கப்படும் மழைநீர் குடிநீருக்கான முக்கியமான ஆதாரமாகப் பயன்படுத்தலாம் அன்பு மாணவ செல்வங்களே தங்களின் விழிப்புணர்வை அவரவர் வீட்டிலும் அனைத்து மக்களிடமும் எடுத்து சொல்வீர்களாக.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by சாளை S.I.ஜியாவுத்தீன் (அல்கோபார்) [20 June 2013]
IP: 94.*.*.*

Saudi Arabia | Comment Reference Number: 28155

மழைநீர் சேகரிப்பு விழிப்புணர்வு பேரணியில் கலந்து கொண்ட தலைவி, அதிகாரிகள், உறுப்பினர்கள், மாணவர்கள், ஆசிரியர்கள் ஆகியோருக்கு பாராட்டுக்கள்.

இயற்கையான மழைநீர் சேகரிப்பான குளங்கள், நீர் குட்டைகள், மழை நீர் வடிகால்கள் ஆகியவற்றை அழித்து பிளாட் போட்டு வித்தாச்சு, வீடுகளும் கட்டியாச்சு. ஊரில் குளங்கள் என்பதே இல்லாமல் ஆகிவிட்டது.

இப்போது மழைநீர் சேகரிங்கள், மழைநீர் சேகரிங்கள், நிலத்தடி நீரை அதிகரியுங்கள் என்று தெரு தெருவாய் அலைந்து என்ன பயன். கையில் இருப்பதை விட்டுவிட்டு பறப்பதை பிடியுங்கள் என்று சொல்லுவது போல உள்ளது.

மறைந்த குளங்களை கண்டு பிடிக்கும் வேலையை செய்யுங்க, அதிகாரிகளே..!

என்னது.. இருக்கின்ற வேலையை செய்யவே ஆளும் நேரமும் இல்லையா..!!

சாளை S.I.ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by K.D.N.MOHAMED LEBBAI (JEDDAH) [21 June 2013]
IP: 5.*.*.* | Comment Reference Number: 28176

அஸ்ஸலாமு அலைக்கும்

நமது ஊர் நகராட்சியின் சார்பில் நடத்த பட்ட இந்த மழைநீர் சேகரிப்பு விழிப்புணர்வு பேரணி ...என்பது இப்போதைய சூழ் நிலைமையில் தேவையானதுதான்.....நம் மக்களும் தெரிந்து கொள்ள ஒரு சான்சு ......

இந்த நல்லதோர் '' திட்டத்தை ''' நமது தமிழக முதல்வர் மரியாதைக்குரிய.செல்வி அம்மா அவர்கள் போன தடவையே தங்களின் ஆட்சியில் பொது மக்களிடம் எடுத்து துறைத்தார்கள் என்பது குறிப்பிடத்தக்கது ..........

அது போன்று நமது நகர் மன்ற தலைவி மேடம் அவர்களும் நம் ஊர் பொது மக்களிடம் முன் எடுத்து வைப்பது பாராட்டுக்குரியது தான் ......

வஸ்ஸலாம்
K.D.N.MOHAMED LEBBAI
JEDDAH

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்