{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் காட்டு தைக்கா தெரு - தைக்கா தெரு - சிவன்கோயில் தெரு - பாக்கர் காலனி - தருவை ஆகிய தெருக்களுக்கு நடுவில் அமைந்துள்ளது, மஸ்ஜித் அல்அரூஸ் எனும் காட்டு தைக்கா அரூஸிய்யா பள்ளிவாசல்.





இடநெருக்கடி காரணமாக, இப்பள்ளியின் பழைய கட்டிடம் அகற்றப்பட்டு, புதிதாக கட்டி முடிக்கப்பட்டு, 20.07.2012 வெள்ளிக்கிழமையன்று அதிகாலை ஃபஜ்ர் தொழுகையுடன் புதிய கட்டிடத்தில் வணக்க வழிபாடுகளும் துவங்கின.

இப்பள்ளியின் தலைவராக ஹாஜி எஸ்.ஏ.முஹம்மத் சுல்தான், செயலாளராக ஹாஜி எஸ்.எம்.பி.மூஸா நெய்னா ஆகியோர் சேவையாற்றி வருகின்றனர்.

இப்பள்ளியின் இமாமாக வடகரையைச் சேர்ந்த முஹம்மத் வலிய்யுல்லாஹ் என்பவரும், பிலாலாக அப்துர்ரஹ்மான் என்பவரும் பணியாற்றி வருகின்றனர்.

நடப்பாண்டு தராவீஹ் தொழுகையை, தைக்கா தெருவைச் சேர்ந்த ஜாஃபர் ஸாதிக் என்பவரது மகன் ஹாஃபிழ் ஜெ.எஸ்.செய்யித் அஹ்மத் வழிநடத்துகிறார்.

இப்பள்ளியில், வழமை போல இவ்வாண்டும் நோன்புக் கஞ்சி தயாரிக்கப்பட்டு, ஜமாஅத்திற்குட்பட்ட குடும்பத்தினருக்கு ஊற்றுக்கஞ்சி வினியோகிக்கப்படுவதுடன், நோன்பு துறப்பு - இஃப்தார் நிகழ்ச்சியும் நடத்தப்பட்டு வருகிறது. இஃப்தார் நிகழ்ச்சியில் 40 பேர் முதல் 50 பேர் வரை கலந்துகொள்கின்றனர். அவர்களுக்கு பேரீத்தம்பழம், கஞ்சி, வடை, தண்ணீர் ஆகியன பரிமாறப்படுகிறது.

நடப்பாண்டு கஞ்சி கமிட்டியினராக ஏ.ஷாஹுல் ஹமீத், ஜெ.எம்.காதர், எஸ்.ஐ.அஹ்மத் அப்துல் காதிர், எஸ்.ஏ.முஹம்மத் சுல்தான் (தலைவர்), கே.எம்.ஸாலிஹ், எஸ்.டி.ஜெய்னுல் ஆப்தீன், எம்.எம்.மஹ்மூத் ஆகியோரும், கஞ்சி வினியோகப் பொறுப்பாளர்களாக எம்.ஏ.காதிர் ஒலி, ஜெ.எம்.கிதுறு முஹம்மத் ஆகியோரும் சேவையாற்றி வருகின்றனர்.

நடப்பாண்டில்,
ரூபாய் 7 ஆயிரத்து 500 செலவு மதிப்பீட்டில் கறி கஞ்சியும்,
ரூபாய் 6 ஆயிரத்து 500 செலவு மதிப்பீட்டில் காய்கறி கஞ்சியும்,
ரூபாய் 5 ஆயிரத்து 500 செலவு மதிப்பீட்டில் வெண்கஞ்சியும்
தயாரிக்கப்படுகிறது.

நாள்தோறும் வினியோகிக்கப்படும் நோன்புக் கஞ்சியை, இப்பள்ளி மஹல்லா ஜமாஅத்தைச் சேர்ந்த சுமார் 200 குடும்பத்தினர் பெற்றுச் செல்கின்றனர். இஃப்தார் நோன்பு துறப்பு நிகழ்ச்சியில், 40 முதல் 80 பேர் வரை நாள்தோறும் கலந்துகொள்கின்றனர். அவர்களுக்கு பேரீத்தம்பழம், தண்ணீர் பாக்கெட், கஞ்சி, வடை உள்ளிட்டவை பரிமாறப்படுகிறது.

15.07.2013 புதன்கிழமையன்று நடைபெற்ற நோன்புக் கஞ்சி வினியோக (ஊற்றுக் கஞ்சி) படக்காட்சிகள் வருமாறு:-







11.07.2013 அன்று நடைபெற்ற இஃப்தார் - நோன்பு துறப்பு நிகழ்ச்சியின் படக்காட்சிகள் வருமாறு:-









இப்பள்ளியின் கடந்த ஆண்டு இஃப்தார் - நோன்பு துறப்பு நிகழ்ச்சி குறித்த செய்தியைக் காண இங்கே சொடுக்குக!

பள்ளியின் வரலாறு உள்ளிட்ட தகவல்களை உள்ளடக்கிய செய்தியைக் காண இங்கே சொடுக்குக!

படங்களில் உதவி:
ஹிஜாஸ் மைந்தன்
செய்தியாளர் - காயல்பட்டணம்.காம்