Kayal on the Web

செய்திகள்

செய்தி எண் (ID #) 11723

#KOTW11723

திங்கள், செப்டம்பர் 2, 2013

காயல்பட்டினத்தில் மாவட்ட உணவு பாதுகாப்புத்துறை நியமன அதிகாரி திடீர் சோதனை!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2777 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

மாவட்ட உணவு பாதுகாப்புத்துறை நியமன அதிகாரி டாக்டர் ஜெகதீஷ் சந்திர போஸ் தலைமையிலான குழுவினர், இன்று (செப்டம்பர் 02) காலையில் காயல்பட்டினம் கடைவீதிப் பகுதிகளில் திடீர் சோதனை மேற்கொண்டனர்.

எல்.கே.துவக்கப்பள்ளி அருகிலுள்ள ஹோட்டல் உணவகத்திற்கருகில் சுகாதாரக் கேடான நிலையிலிருந்த பகுதிகளைக் கண்ட அவர்கள், ஹோட்டல் உரிமையாளர்களிடம் எச்சரித்ததையடுத்து, அவர்கள் உடனடியாக அவற்றை சுத்தப்படுத்தினர்.

அதுபோல, கூலக்கடை பஜாரிலுள்ள பலசரக்கு மளிகையொன்றில் காலாவதியான பொருட்கள் விற்பனை செய்யப்பட்டு வருவதாக பொதுமக்களுள் ஒருவர் அளித்த புகாரின் அடிப்படையில், அக்கடைக்குச் சென்று சோதனையிட்ட அதிகாரி, காலாவதியான பொருட்கள் விற்கப்பட்டால் கடும் நடவடிக்கை எடுக்கப்படும் என எச்சரித்துள்ளார்.

காயல்பட்டினத்தில், பெரிய அளவிலான திடீர் சோதனை விரைவில் நடத்தப்படும் என மாவட்ட உணவு பாதுகாப்புத் துறை நியமன அதிகாரி டாக்டர் ஜெகதீஷ் சந்திர போஸ் காயல்பட்டணம்.காம் இடம் தெரிவித்துள்ளமை குறிப்பிடத்தக்கது.

இதே அதிகாரி தலைமையிலான குழுவினர் கடந்த ஜூன் மாதம் 03ஆம் தேதியன்று காயல்பட்டினத்திலுள்ள பல்வேறு உணவகங்கள் உள்ளிட்ட கடைகளில் திடீர் சோதனை நடத்தி, காலாவதியான மற்றும் அனுமதி பெறாமல் விற்பனை செய்யப்பட்ட பொருட்களையும், பான் பராக், குட்கா போன்ற தடை செய்யப்பட்ட பொருட்களையும் கைப்பற்றி, நகராட்சிக்குட்பட்ட உரக்கிடங்கிலிட்டு அழித்தனர். இதுகுறித்த செய்தியைக் காண இங்கே சொடுக்குக!

{TAGS} health raid adulteration pan parag tobacco gutka plastic food eatery bakery water quality hazard l.k.primary school lkps jegadish chandra bose food safety inspector

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by Vilack SMA (Zibo , Shandong , China) [02 September 2013]
IP: 222.*.*.*

China | Comment Reference Number: 29943

கூலக்கடை பஜாரிலுள்ள ஒரு பிரபலமான கடையில் பல வருடங்களாகவே கலப்பட பொருட்களும் , காலாவதியான பொருட்களும் விற்கப்படுகின்றன . நான் ஒருமுறை அங்கு பொருள் வாங்கியதில் , கடை உரிமையாளர் கம்ப்யூட்டரை பார்த்து அதன் விலையை சொன்னவர் , கம்ப்யூட்டர் பில் எடுக்க தெரியாது , ஆள் இல்லை என்று சொன்னார் . வேண்டுமானால் பில் இல்லாமல் வாங்கிகொள்ளுங்கள் என்றார் .

அந்த கடையில் பெரும்பாலான பொருட்களுக்கு தயாரிப்பு நிறுவன பெயர் , தயாரிப்பு தேதி , காலாவதியாகும் தேதி இது போன்றவைகள் கிடையாது . இந்த கடையின் பெரும்பான்மையான வாடிக்கையாளர்கள் யாரென்று பார்த்தல் , கட்டிட வேலை , கூலி வேலை செய்து , வேலை முடிந்து வீடு திரும்பும்போது பொருட்கள் வாங்கி செல்பவர்கள் .

இது போன்ற கடைகளுக்கு எப்போது அதிகாரிகள் வருவார்களோ தெரியவில்லை ! அல்லது , வந்தாலும் அவர்களை " அனுசரித்து " அனுப்பி விடுவார்களோ என்னவோ .

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. வியாபாரிகளே ! இறைவனுக்கு பயந்து கொள்ளுங்கள் !!!
posted by M.S.Kaja Mahlari (Singapore) [03 September 2013]
IP: 220.*.*.*

Singapore | Comment Reference Number: 29965

தொடரட்டும் சோதனைகள் ! அப்போது குறையும் மக்கள் வேதனைகள் !!!

" மோசடி செய்பவன் நம்மை சேர்ந்தவன் அல்ல " (நபிமொழி )

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by Salai S Nawas (Singapore) [04 September 2013]
IP: 116.*.*.*

Singapore | Comment Reference Number: 29985

செய்மாலி காக்கா, நீங்க சொன்ன விஷயத்தை CFFC மூலம் நிரூபித்து செய்தியாகவும் போட்டாச்சு. காண்க
http://www.kayalpatnam.com/shownews.asp?id=5877

மக்கள் எந்த அளவுக்கு தெளிவு பெற்று இருக்கிறார்கள் என்பது இன்னும் தெரியவில்லை

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்