Kayal on the Web

செய்திகள்

செய்தி எண் (ID #) 11726

#KOTW11726

திங்கள், செப்டம்பர் 2, 2013

புன்னைக்காயலில் நடைபெற்ற மாவட்ட அளவிலான கால்பந்து இறுதிப்போட்டியில் ஐக்கிய விளையாட்டு சங்க அணிக்கு கோப்பை!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 5313 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

புன்னைக்காயலில் நடைபெற்ற தூத்துக்குடி மாவட்ட அளவிலான கால்பந்து சுற்றுப்போட்டியில், காயல்பட்டினம் ஐக்கிய விளையாட்டு சங்க அணி இறுதிப்போட்டியில் வென்று சுழற்கோப்பையைத் தட்டிச் சென்றுள்ளது. விபரம் வருமாறு:-

அமரர் மனுவேல்ராஜ் பிஞ்ஞேயிரா நினைவு வெள்ளி சுழற்கோப்பைக்கான - மாவட்ட அளவிலான 40ஆவது கால்பந்தாட்ட சுற்றுப்போட்டியின் இறுதிப் போட்டி இம்மாதம் 01ஆம் தேதி ஞாயிற்றுக்கிழமை மாலையில், புனித வளனார் உயர்நிலைப் பள்ளி மைதானத்தில் நடைபெற்றது.

இப்போட்டியில் காயல்பட்டினம் ஐக்கிய விளையாட்டு சங்க அணியும், நாசரேத் மர்காஷிஸ் அணியும் மோதின.

ஆட்டத்தின் முதற்பாதியில் ஈரணிகளுக்கும் கோல் அடிக்க பல வாய்ப்புகள் கிடைத்தபோதிலும், அவை சரியாகப் பயன்படுத்தப்படவில்லை.

இரண்டாவது பாதி ஆட்டத்தில், நாசரேத் அணி 1 கோலும், காயல்பட்டினம் அணி 2 கோலும் அடித்தன. பின்னர், ஆட்டம் நிறைவடையும் வரை ஈரணிகளும் கோல் எதுவும் அடிக்காததால், 2-1 என்ற கோல் கணக்கில் காயல்பட்டினம் ஐக்கிய விளையாட்டு சங்க அணி வெற்றிபெற்றது.

பின்னர் நடைபெற்ற பரிசளிப்பு விழாவில், ஊர் தலைவர் குழந்தை மச்சாது, துறைமுக கமிட்டி தலைவர் சகாயராஜ் பர்னாந்து, மீனவ சொஸைட்டி உப தலைவர் ராஜ் ஆகியோர் முன்னிலை வகித்தனர். புன்னைக்காயல் நகர பங்குத் தந்தை தோமாஸ் அடிகளார் தலைமை தாங்கி, வாழ்த்துரை வழங்கினார்.

துவக்கமாக, இறுதிப்போட்டியில் பங்கேற்ற ஈரணி வீரர்களுக்கும் தனிப்பரிசுகள் வழங்கப்பட்டன. மேடையில் வீற்றிருந்தோர் அப்பரிசுகளை வழங்கினர்.

பின்னர், இரண்டாமிடம் பெற்ற நாசரேத் மர்காஷிஸ் அணிக்கு - வெற்றிக்கு முனைந்த அணிக்கான சுழற்கோப்பையையும், இறுதிப் போட்டியில் வென்று முதலிடம் பெற்ற காயல்பட்டினம் ஐக்கிய விளையாட்டு சங்க அணிக்கு வெற்றி பெற்ற அணிக்கான - அமரர் மனுவேல்ராஜ் பிஞ்ஞேயிரா நினைவு வெள்ளி சுழற்கோப்பையையும், விழா தலைவர் பங்குத் தந்தை தோமாஸ் அடிகளார் வழங்கினார்.

புனித வளனார் மேநிலைப்பள்ளியின் தலைமையாசிரியர் ரொங்காலி சில்வா நன்றியுரையுடன் பரிசளிப்பு விழா நிறைவுற்றது.

இறுதிப்போட்டி மற்றும் பரிசளிப்பு விழாவில், புன்னைக்காயல், நாசரேத், காயல்பட்டினம் மற்றும் சுற்றுப்புற ஊர்களைச் சேர்ந்த கால்பந்து ஆர்வலர்கள் திரளாகக் கலந்துகொண்டனர்.

தகவல்:
ஜோஸப் (புன்னைக்காயல்)

படங்கள்:
இப்றாஹீம் ஃபைஸல்
மற்றும்
இம்ரான் உஸைர்

கடந்தாண்டு நடைபெற்ற அமரர் மனுவேல்ராஜ் பிஞ்ஞேயிரா நினைவு வெள்ளி சுழற்கோப்பைக்கான மாவட்ட அளவிலான கால்பந்துப் போட்டியிலும், காயல்பட்டினம் ஐக்கிய விளையாட்டு சங்க அணியே வெற்றிக் கோப்பையைத் தட்டிச் சென்றமை குறிப்பிடத்தக்கது. அதுகுறித்த தகவல்களடங்கிய செய்தியைக் காண இங்கே சொடுக்குக!

{TAGS} football sports punnai kayal punnakkayal punnakayal punnaikkayal punnaikayal punna kayal usc st. joseph higher secondary school united sports club nazareth margoschis amarar manuvelraj pingjeyira memorial sports football

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. காயல்பட்டணம் ஒரு கால்பந்துபட்டணம்
posted by SALMAN FARIS (YANBU SAUDI ARABIA) [03 September 2013]
IP: 188.*.*.*

Saudi Arabia | Comment Reference Number: 29963

மாஷல்லாஹ் ....

வெற்றிகளை குவிக்கும் காயல் இளம் கால்பந்தாட்ட வீரர்கள் .....

வெற்றி பெற்ற ஐக்கிய விளையாட்டு சங்க கால்பந்தாட்ட வீரர்களுக்கு என்னுடைய மனமார்ந்த வாழ்த்துக்கள்.......

வீரர்களுக்கு பயிற்சி அளித்த எங்கள் பயிற்சியாளர் சதக் காகா அவர்களுக்கும் என்னுடைய வாழ்த்துக்கள் .......

சென்னை SAI அணியின் நட்சத்திர கோல் கீப்பர் மொக்தூம் நெய்னா அவர்களுக்கும் என்னுடைய ஸ்பெஷல் வாழ்த்துக்கள் ...

காயல்பட்டணம் அணியை எந்த கால்பந்து போட்டியில் கலந்து கொண்டாலும் வெற்றி கனியை சுவைத்து கொண்டு இருகின்றது .. காயல்பட்டணம் ஒரு கால்பந்துபட்டணம்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. வாழ்த்துக்கள்
posted by NIZAR (KAYALPATNAM) [03 September 2013]
IP: 117.*.*.*

India | Comment Reference Number: 29966

புன்னக்காயலில் வெற்றி பெற்ற USC அணிக்கு நெஞ்சார்ந்த வாழ்த்துக்களை தெர்வித்து கொள்கிறேன்.

கால்பந்து என்றவுடன் நினைவுக்கு வருவது USC கிளப் தான் என்றால் அது மிகையில்லை.தொடர்ந்து அகில இந்திய கால்பந்து போட்டி நடத்தி மாநிலத்திலேயே சாதனை படைத்து வருகிறது .நாங்கள் USC கிளப்க்காக புன்னைகாயல் போன்ற மீனவர்கள் அணியை ஆடும்பொழுது மிகவும் கவனமாக விளையாடுவோம்.அவர்கள் கடலில் மிதக்கும் மிதப்பு கட்டை போல சற்றும் இளைக்காமல் பெரும்கூச்சலோடு மணிக் கணக்கில் விளையாடுவார்கள்.நேருக்கு நேர்வந்து மோதி எழ இவன அடிச்சு தூக்குல என அவர்கள் பாசையில் உணர்ச்சி வசப்படுவார்கள் அவர்களிடம் நுணுக்கமாக விளையாடி வெற்றிபெறுவோம்,

இயற்கை சூழலும் அழகிய வசதியை கொண்ட இந்த சங்கம் திறமையான கால்பந்து வீரர்களை பெற்று உள்ளது எனலாம். மாவட்டத்தில் முதன்மை அணியாக தொடர்ந்து வெற்றிகளை குவித்து வருகிறது.இந்த போட்டியை காண முன்னாள் வீரர்கள் மற்றும் காயல் மக்கள் கலந்து கொண்டது கால்பந்தின் மீதுள்ள ஆர்வத்தை காட்டுகிறது.இந்த மைதானத்தில் காயல் நட்சத்திர வீரர் மூஸா அவர்கள் தலைமையில் நாங்கள் ஆடியது மலரும் நினைவாக உள்ளது.மாவட்டத்தில் USC கிளப் க்கு அடுத்தபடியாக நாசரேத் அணி தொடர்ந்து வலுவான இரண்டாவது அணியாக இருப்பது குறிப்பிடத்தக்கது.மொத்தத்தில் இதை போன்ற தொடர் வெற்றியினால் காயல்பட்னம் அணி வருகிறது என்றால் மற்ற அணிகளுக்கு மூச்சு முட்ட வைப்பது குறிப்பிடத்தக்கது .

USC அணி மென்மேலும் பல வெற்றிகளை பெற்று ஊருக்கு பெருமை சேர்க்க முன்னாள் வீரர்கள் சார்பில் வாழ்த்துக்களை தெர்வித்து கொள்கிறேன்,,,,,,,,,

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by சாளை S.I. ஜியாவுத்தீன் (அல்கோபார் ) [03 September 2013]
IP: 94.*.*.*

Saudi Arabia | Comment Reference Number: 29975

கைதட்டலுடன் கூடிய நட்சத்திர பாராட்டுக்கள். வெற்றிகள் தொடர வாழ்த்துகின்றேன்.

அடித்த கோலில் கோப்பை வைத்துள்ள கண்ணாடியில் விரிச்சல் உண்டாகி விட்டதோ..!!

சாளை S.I. ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்