Kayal on the Web

செய்திகள்

செய்தி எண் (ID #) 12327

#KOTW12327

வெள்ளி, நவம்பர் 15, 2013

துளிரில் குழந்தைகள் தினம் கொண்டாட்டம்!

செய்தி: காயல்பட்டணம்.காம்
இந்த பக்கம் 2471 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

துளிர் சிறப்பு குழந்தைகள் பள்ளியில் குழந்தைகள் தின (நவம்பர் 14) விழா கொண்டாடப்பட்டது. இது குறித்து அப்பள்ளி சார்பாக வெளியிடப்பட்டுள்ள செய்திக்குறிப்பு வருமாறு:

துளிரில் மறுவாழ்வு பயிற்சி பெறும் குழந்தைகள், சிறார்களை மகிழ்விக்க குழந்தைகள் தினம் கொண்டாடப்பட்டது. இந்த தினத்தன்று சிறப்பு குழந்தைகள் மற்றும் சிறார்களுக்கு பல்வேறு விளையாட்டு போட்டிகள் நடத்தப்பட்டது. போட்டிகளில் குழந்தைகள் ஆர்வமுடன் கலந்து கொண்டனர்.

கலை நிகழ்ச்சியும் நடைபெற்றது. இதில் சிறப்பு குழந்தைகள் தங்கள் குறைகளையும், வேதனைகளையும் மறந்து ஆடிப்பாடி மகிழ்ந்தனர்.

குழந்தைகள் ஒருவருக்கொருவர் அன்புடனும் இணைபிரியாத நட்புடனும் இருப்போம் என்றும், தங்கள் ஆசிரியர்களுடனும், பயிற்சியாளர்களுடனும் அன்புடன் நடப்போம் என்றும் வட்டவடிவில் கைகோர்த்து நின்று கோசமிட்டனர்.

நேரு விரும்பிய ரோஜாவும், குழந்தைகளும் எனும் தலைப்பில் சிறப்பாசிரியை திருமதி ஜெயா குழந்தைகளிடையே பேசினார். துளிர் பெற்றோர் மன்ற உறுப்பினர் சாந்தி சிறப்பு அழைப்பாளராக கலந்து கொண்டு குழந்தைகளுக்கு பரிசு வழங்கினார்.

சிறப்பாசிரியர்களும், பயிற்றுனர்களும் குழந்தைகள் அனைவருக்கும் கேக் வழங்கி தங்கள் அன்பை பகிர்ந்து கொண்டனர். துளிர் பெற்றோர் மன்றத்தின் சார்பில் குழந்தைகள் தினவிழாவிற்கான ஏற்பாடுகளை துளிரின் திட்ட ஒருங்கிணைப்பாளர் சித்தி ரம்ஜான் செய்திருந்தார்.

இவ்வாறு அச்செய்திக்குறிப்பில் தெரிவிக்கப்பட்டுள்ளது.

{TAGS} thulir children's day november 14 thulir school special school

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. துளிர் விடும் தளிர்கள்...
posted by M.N.L.Mohamed Rafeeq. (Kayalpatnam.) [15 November 2013]
IP: 117.*.*.*

India | Comment Reference Number: 31445

துளிர்விட்டு அரும்ப வேண்டிய மொட்டுக்கள் சற்று தளர்ந்திருந்த போதிலும் ”துளிர்” இருப்பதால் அது நன்றாகவே தளிர்க்கும் என்பது தெளிவாகத் தெரிகின்றது.

எல்லாம் வல்ல இறைவனின் பேரருளும், பிரியமும் இக்குழந்தைகளுக்கு கிடைக்கப்பெற்று வாழ்வில் மகிழ்சி பொங்க பிற குழந்தைகள் போல் இவர்களும் வாழ வாழ்த்துகின்றேன்.

-ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...காயல் பூக்கள்.
posted by M.S.ABDULAZEEZ (Guangzhou) [15 November 2013]
IP: 180.*.*.*

Hong Kong | Comment Reference Number: 31447

துளிர் தோட்டத்தில் மலரும் எம் காயலின் இளம் தளிர்கள் நீங்கள் அல்லாஹுவின் செல்ல பிழைகள். உங்கள் யாவருக்கும் என் மனமுவந்த துளிர் குழைந்தைகள் தின வாழ்த்துகளும் பாராடும் துவாஉம் உங்களுக்கு என்றும் உண்டு. எல்லாம் வல்ல அல்லாஹ் உங்களின் வாழ்வை சிறப்பாகுவானாக ஆமீன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. ஆண்டவனின் அன்பு தோட்டத்தில் அரும்பழகு சிரிக்கிறது
posted by முஹம்மது ஆதம் சுல்தான்! (yanbu) [16 November 2013]
IP: 90.*.*.*

Saudi Arabia | Comment Reference Number: 31475

ஆண்டவனின் அன்பு தோட்டத்தில் அரும்பழகு சிரிக்கிறது! அழுக்கற்ற இதயத்தின் இளம் மொட்டுக்ககள்! பொங்கியெழும் சிரிப்பலைகள் பார்க்கும் நேரமெங்கும் புரோண்டோடும்!

பொறாமை என்ற பொருளை பிறர் சொன்னாலும் புரியாத புண்ணிய துளிரரும்பு இதயம்!

அல்லாஹ்விற்கு அதிக பிரியமுள்ள எங்களை பாசம்பொங்கிடபோற்றும்இத்"துளிர்"அமைப்பிற்கும்- அதற்க்கு அனுசரனையாய்யுள்ள அத்தனை இதயங்களுக்கும் அல்லளற்ற வாழ்வையும்,வளத்தையும் வழங்கியருள் யாஅல்லாஹ்!

அல்லாஹ் அனைத்தையும் அறிந்தவன்!

அன்புடன்,
முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்