நடப்பாண்டு நடைபெறும் எஸ்.எஸ்.எல்.சி. அரசுப் பொதுத்தேர்வில், தூத்துக்குடி மாவட்டத்திலிருந்து 25456 பேர் தேர்வெழுதுகின்றனர். காயல்பட்டினத்திலிருந்து மட்டும் 632 பேர் எழுதுகின்றனர். விரிவான விபரம் வருமாறு:-
தமிழகத்தில் பத்தாம் வகுப்பு (எஸ்.எஸ்.எல்.சி.) அரசுப் பொதுத்தேர்வு நேற்று (மார்ச் 26) துவங்கியது. தூத்துக்குடி மாவட்டத்திலுள்ள 83 தேர்வு மையங்களில், 25456 மாணவ-மாணவியர் இத்தேர்வை எழுதுகின்றனர். தேர்வு நடவடிக்கைகளைக் கண்காணிக்க 166 உறுப்பினர்களைக் கொண்ட பறக்கும் படை அமைக்கப்பட்டுள்ளது.
தூத்துக்குடி புனித திருச்சிலுவை பெண்கள் மேனிலைப்பள்ளியில் மாணவியர் தேர்வெழுதுவதை, தூத்துக்குடி மாவட்ட ஆட்சியர் ம.ரவிக்குமார் பார்வையிட்டார்.
![](/newsimg/273201442313.jpg)
காயல்பட்டினத்தில், எல்.கே.மேனிலைப்பள்ளி, அரசு மகளிர் மேனிலைப்பள்ளி, முஹ்யித்தீன் மெட்ரிகுலேஷன் மேனிலைப்பள்ளி ஆகிய 3 தேர்வு மையங்களில் மொத்தம் 608 மாணவ-மாணவியர் பின்வரும் விபரப்படி தேர்வெழுதுகின்றனர்:-
![](/newsimg/273201444540.jpg)
காயல்பட்டினத்திலிருந்து 292 மாணவர்கள், 316 மாணவியர் என மொத்தம் 608 மாணவ-மாணவியர் தேர்வெழுதுகின்றனர். அவர்களுள் காயல்பட்டினம் பள்ளிகளைச் சேர்ந்த மாணவ-மாணவியர் 584 பேர் ஆவர்.
![](/newsimg/273201446485.jpg)
![](/newsimg/273201446501.jpg)
![](/newsimg/273201446513.jpg)
தொகுப்பு & படங்களில் உதவி:
K.M.T.சுலைமான்
துணைச் செயலாளர்
முஹ்யித்தீன் மெட்ரிகுலேஷன் மேனிலைப்பள்ளி - காயல்பட்டினம்
கடந்தாண்டு எஸ்.எஸ்.எல்.சி. தேர்வெழுதிய மாணவ-மாணவியர் எண்ணிக்கை விபரம் அடங்கிய செய்தியைக் காண இங்கே சொடுக்குக! |